帝樂德國餐廳 (Fashion Walk)

营业中

休息中

二访呢间有半自助餐嘅德国菜🇩🇪！10月系啤酒节，所以佢哋而家有德国啤酒节限定menu🍻。如果买咗beer pass，记得11月要用埋佢。✨扒美国安格斯肉眼牛扒（8安士）配炸薯角 $268虽然块扒本身比较瘦，肉质都算腍同易咬。肉味香浓，就咁用盐同胡椒调味已经好香，加埋gravy又更多正。✨扒大虾，挪威三文鱼柳配番茜新薯及蒜蓉牛油汁 $260虎虾大只弹牙，配蒜蓉牛油汁味道好夹。三文鱼柳肉质好嫩，好重鱼油香。不过真系要自己加少少胡椒碎先好食。价钱包埋任食：沙律吧✨热盘✨冻肉盘德式烤薄饼✨冻海鲜✨汤✨甜品佢嘅热盘真系a la carte质素。汁煮牛肋肉嘅肉味超浓，带蒜香嘅调味超对办。几有惊喜系芝士肠（红色𠮶款），芝士多到咬落去爆出嚟🤣。甜品嘅质素超高！佢哋面包布丁系夸张地好食。重蛋香又幼滑。吉士酱嘅云尼拿味真系极香。芝士挞、苹果蛋糕都唔错，甜度唔高唔会好腻。