犇殿台灣火鍋 (德福廣場1期)

营业中

休息中

第一次食呢间自助火锅🍲。平日都好多人食，几乎全场爆满。👩🏻食完觉得佢哋嘅牛肉特别高质，喺香港任食火锅系数一数二。自助区有火锅料、熟食、雪糕、仙草芋圆、饮品。熟食款式多同特别，连椒盐粟米同台式烤肠都有。✨澳洲M9和牛·美浓牛肉晚餐 $398晚市1️⃣2️⃣0️⃣分钟放题加送神仙牛肉、东港海鲜盘各一呢个套餐主打澳洲M9和牛。牛肉又嫩又重肉味，完全唔使蘸酱。任食牛嚟讲好高质素。而且我哋encore出嘅肉都系一样。其实唔差过只限一碟嘅神仙牛肉。东港海鲜盘包括鲍鱼、带子、蚝、虾、蚬。虾同蚬可以再喺QR code落单，其他就只限呢一盘。我哋叫咗🥛美白凝肤牛乳锅。味道温和清淡，对个胃冇咩负担，而且渌菜渌肉都夹。大多数火锅配料都喺自助区。要QR落单嘅食材我哋试咗✔️十三香卤三宝✖️墨鱼滑✔️台式鱼饺🔘福建燕饺✔️手工蛋饺最正系十三香卤三宝，有牛筋、猪肠、金钱肚。卤得够入味，渌返热就食得。食完想叫多兜🥰。但始终牛肉太高质，最想都系食多几碟牛🥹。最后当然要留肚食甜品❤️。竟然有杯装Movenpick同Dreyers。仲有仙草、芋圆任食。芋圆真心高质，仙草系凉粉口感😂。