星海．譽宴 (鱷魚恤中心)

营业中

休息中

一行二人，去左星海．星海荟开餐!哩间地点非常好，观塘站落车，经APM就可以到，落雨都唔洗怕! 哩度系一间非常有气派中菜厅，装潢主要系紫调，都几优雅，几岩同一班朋友、长辈聚会、庆祝节日，另外，餐厅楼底高加上天花又有特别设计过，有唔同吊饰，都适合搞婚宴!2个人就食唔到咁多野，我地就叫左3味! 第一个𩠌上枱系热辣辣嘅铁板白胡椒蟹，劲大只，所以啖啖肉，好爽! 而且蟹肉好鲜甜，肉质厚实，好新鲜。另外，白胡椒味好出，但又无遮盖左蟹嘅鲜味，平衡到，唔错! 值得一提嘅系，一定一定要食埋垫底嘅洋葱，少少焦，但好甜! 食完浓郁嘅蟹，可以解腻。 第二个𩠌系烧乳鸰，表皮香脆，咬落多汁，唔柴，同埋调味够入味，唔洗点任何野都已经好好食! 最后就系金银蒜斑球龙仔蒸饭，用左荷叶垫底 ，饭带有叶香，火喉控制得啱啱好，饭唔会过淋，食蒸饭最怕啲饭太湿，但哩个唔会，都仲食到粒粒分明嘅饭。个鱼好滑，蒸石斑真系好好啱！蒜就略嫌唔够，因本人系重蒜爱好者，如果可以再多点就完美了~ 2个人食3𩠌系十分之够，食到肚仔胀卜卜，要行街消化下，而星海荟邻近APM、工业区OUTLET，shopping 都好唔错~