明珠閣 (已結業)

今晚我们喺沙田附近做完嘢之后去咗新城市广场行吓，行到去一间「明珠阁」见到有几多人排队等位，所以我们就决定入去食晚饭！我们叫咗黯然销魂饭嘅叉烧肉质虽然相当松软，但表面就烧到色泽比较深色，感觉有啲㶶黑，而煎蛋嘅表面加咗干葱、紫洋葱同葱花，令到味道更加芳香惹味！晶莹鲜虾饺嘅饺皮好晶莹薄身，虾肉相当爽甜弹牙，而且都几多汁！滑蛋虾仁带子炒河嘅河粉面质好烟烟韧韧，虾仁同带子好鲜味弹牙，再淋上香滑嘅滑蛋喺表面，真系好正呀！小云吞鸡汤嘅汤底味道好鲜甜香浓，云吞嘅皮相当薄身，而且好软滑，但鸡肉嘅肉质就有啲「粗嚡」！福建炒饭炒河一样都系用个小铁煎锅盛载著上碟，卖相都几吸引，而且炒得都几够镬气，材料亦好丰富有：虾肉、带子、鸡肉、瑶柱丝、翠玉瓜粒等等等等⋯⋯真系几足料抵食！