鐵牛台灣牛肉麵 (希爾頓大廈)

营业中

休息中

好钟意打边炉，不过人数唔多的话，大大锅食得冇咁畅快，因为只可以要嘅嘢好少，不过好彩而家多咗好多一人一锅分量刚好，呢间台式火锅价值合理，朋友食过话超正宗，上星期同小朋友一齐黎试吓。小朋友唔食得辣，一人一锅就有呢度好处，我自己可以食麻辣火锅，太开心，火锅份量都唔少，最钟意系佢入边有好多配料，我拣咗牛肉，厚薄啱啱好，有牛味一啖一块，锅入边有唔同嘅丸类，鸭血，最欣赏佢嘅芋头贡丸，好弹牙但真系食到粒粒芋头，新竹米粉夹埋麻辣汤底一齐食真系超级香，真心超级好味。小朋友食牛奶芝士锅，汤底都好浓郁，最正系见到满满嘅芝士，将牛肉夹起见到拉丝嘅芝士真系好疗愈，我自己都试左2啖牛奶汤锅，味道真系好适合小朋友，好味之余唔太油，听讲呢度嘅豆瓣酱系台湾运过来，一定要试，试过之后果然好味，唔算极级辣，但好香，好正。炸蕃薯本身都甜甜地，炸到外脆内软，表面有d粉原来味道系好似话梅咁嘅粉状，有啲酸酸甜甜，令到炸番薯更加好味，小朋友超级钟意。食咗两个锅份量好多，饱到顶住个心口都系四百零蚊，好味又抵食真心推介。