五斗米 (厚和街) (已結業)

系台湾大学毕业番黎香港之后，都好难再揾到我钟意食嘅牛肉面同小食，但系今日我竟然系坚尼地城经过见到五斗米话自己系台南口味就谂住去试下~入到舖头，Wa ! 台湾腔嘅欢迎光临，试问系香港真系好难再揾到咁好嘅服务态度，装修充满住台湾嘅味道，淡淡嘅灯光，灰色嘅墙身，就好似真系系台湾嘅咖啡弄一样咁舒适。今日第1次黎，我试左原汁牛肉面同台式烫青菜。首先，牛肉面汤头真系好出色，完全一d味精味都食唔到，我问师傅，原来佢地朝朝都好早番黎准备，再即日卖，真系好有心，日日保持新鲜材料，牛肉方面真系好软，一d都唔硬，好入味，但我觉得我最钟意嘅系，牛肉面加上左酸菜做点缀，真系不得了，我超钟意酸菜，佢地嘅酸菜仲要大大粒，好有咬口，令到个汤酸酸甜，真系好爱，我之后会keep住黎食。烫青菜方面，真系估唔到原来个菜里面会有肉燥，肉燥非常咸香，都好钟意，真系估佢唔到。总结下啦，我觉得以我系台湾番黎食台湾野黎讲，五斗米真系做得好出色，下次一定会再去!