稻香 (天瑞商場) (已結業)

之前去稻香打边炉，见隔离枱食只帝皇蟹好似好吸引，望望张海报，$136斤，比起之前喺另一间酒楼食既价钱仲平，就谂住迟下去试，今日终于有机会啦。6点零去食头围，一坐底阿姐都提我地去拣左蟹先，因为要蒸成半个钟，过度去见到有好多蟹，拣左只4斤4，我地4个大2小差唔多啦，之后再叫个晚餐三宝，有半只鸡、炒班片同海鲜杂菜煲。一路等见到都有几枱食帝皇蟹，我谂应该都唔差先咁多人叫。只蟹系完只上，有d酒楼会喺隔离帮你剪埋，我就钟意自己黎，酒楼有提供较剪同胶手套，算系贴心。，但其实胶手套作用唔大。只蟹好好食，小小海水既咸味，又有蟹膏，剪完一只脚，d蟹肉多到饭碗都装唔哂咁剂。熟既程度我觉得岩岩好，其余三宝质素都唔差，加多2个白饭埋单$1100左右，只蟹未计加一就$576，个个睇到张单都话抵，绝对可以encore。