薄餅博士

营业中

休息中

今日我们喺粉岭做嘢做到好夜，周围附近好多店舖都收晒工，我们去咗附近嘅帝庭轩商场见到呢间「PHD 薄饼博士」仲未收工，所以我们就入咗去食晚饭！我们叫咗个3-4激安之果物套餐：鲜芒果海鲜蟹棒批「大批」嘅材料非常丰富有香甜嘅芒果、精选海鲜、蟹棒、鱿鱼、蘑菇同青瓜再加埋和风美容酱，令到感觉好清新，而薄饼嘅厚薄度适中，质感相当软熟！韩式酱油脆香鸡「4件」系最新推出，但食落有意想唔到嘅惊喜，因炸得好金黄香脆，外层嘅炸粉亦唔会好厚身，肉质非常松软嫩滑，而且肉汁相当多，酱油嘅味道亦好惹味，真系超正呀！系本人嘅必食推介！唐扬炸鸡·温泉蛋一番和风饭「山贼汁（牛肉汁）」嘅温泉蛋做得好出色，流心出嚟嘅效果相当好，米饭嘅质感相当烟韧软熟，而山贼酱汁嘅味道亦好惹味，而且唔会好咸！珍珠奶茶亦都有惊喜，因饮第一啖就已经有非常香滑浓郁嘅奶茶香味渗透整个口腔，有齿颊留香嘅感觉，而且珍珠嘅质感亦相当烟韧弹牙，真系好正呀！总括：虽然我们咁夜先入嚟食晚餐，但店员完全唔会表现出唔满意同觉得我们会阻著他们收工嘅感觉，而且态度仲好亲切有礼，真系值得一赞！