薄餅博士

营业中

休息中

服務好很差，次次拎外賣個女店員都唔應人，同佢講完野好似無反應咁，又無其他店員幫手pack外賣，望住個外賣整好放係到都無人pack。今日以為個女店員終於肯pack野，排到我果陣，我講緊外賣張單no.，隔離個呀叔都一齊講野，然後佢竟然做比佢先，容許打尖情況發生。

等兩個鐘都未等到外賣，仲要送貨嗰個都唔知自己去咗邊，打去鋪頭再期冇人聽！最後打去CS取消訂單，CS同鋪頭回覆完全唔同！真係俾埋錢都仲要勞氣！自己出去其他地方食都冇咁嬲！

區內有Pizza Hut 經常滿座而且價格上真係貴過PHD好多，偶爾見到PHD做緊普通批買一送一，雖然得兩條友，都照叫黎試下。菇菇雞：個人認為只要加錢做芝心批就咩都好食😋😂事實上叫過PHD好多次但好少叫佢的pizza ，非常熱辣辣，真係好食！辣肉腸：冇加芝心，都是好熱剛剛整好，不過不失。因為生日月份，會員仲會送個肉醬意粉🍝，所以兩個人用了$14X 就得到咗兩個批加一個意粉🍝，食咗兩日😂抵番晒PHD會員每個月都有優惠劵，相反pizza hut 相對較少。

今晚揸車入粉嶺，途中就問佢朋友想食啲咩，佢又唔想特登換衫出去食飯，所以最後決定叫pizza返屋企食，佢就喺屋企上網錢，咁我預返時間揸車去拎，幾快落單20分鐘後就攞得，咁我最後就幾袋嘢拎上車，揸車去女朋友屋企個套餐都係有pizza有湯，雞翼，沙律，蒜蓉包同埋pizza完全扯唔上關係嘅章魚燒正常嚟講蒜蓉包，我係未食過唔好食嘅，不過不得不彈，我咬咗一啖已經唔想食，就係個包好硬不過有驚喜嘅就係蓋章魚燒，又幾好味喎，佢價錢仲平過旺角食章魚燒，仲要好味過旺角嗰啲

因為我們2人太餓，於是點了3人餐($212)，細食的話不要亂學，最後飽到飛起磨菇烤雞PIZZA(大)PHD賣點是手拉薄餅，因此餅底鬆軟，口感有點似微微硬身的麵包，因為我不愛吃硬餅底，所以我個人很喜歡這口感PIZZA很足料，配上沙律醬，不錯蜜糖雞翼8隻正常口味的甜雞翼，因為外賣有些蒸氣，沒堂食的好吃葡汁雞皇焗飯基本上我們試過所有飯/意粉，最好吃是葡汁雞皇焗飯，葡汁和雞肉足料雞下脾 $15因為想吃炸雞所以另外了$15，炸雞熱辣辣鮮嫩多汁（有盒另外裝起，不是和pizza一起放的）珍珠奶茶+$8和檸檬茶$8珍珠奶茶不好喝..茶味怪怪的，珍珠偏硬檸檬茶沒什麼茶味..這個一般吧

逢星期二PHD 就有78蚊可以買到一個大批的 優惠， 見到咁平，又諗唔到食咩好，就買一個同老公一齊當晚餐食。買pizza 個陣都好快有就有，唔駛等好耐，返到屋企當然趁熱食啦，個批底好淋，好似食面包咁，啲饀料同醬汁都好少，總之就係唔好食唔會再買 lu…。完

One of few pizza serving restaurants in this area, where quality is average and service poor.EnvironmentThis restaurant focuses on takeaway and delivery so there is a minimum sitting area which can accommodate around 20 customers. The set up is clean, casual and minimalistic so it’s good for having a quick pizza with friends and family.ServiceVery unprofessional service. The staff here had mixed up our pick up order and subsequently did not tell us the truth that they had given it to the wrong p

家人都懶咗煮飯，變相最近做咗PHD 外送速遞常客，網上落單好方便，送貨又快。近來PHD 推出咗個新pizza套餐，係一個以水果為題既pizza：2人桃²套餐(L1)  $225   指定手拉薄餅(普通批1個)+ 脆香雞(2件) + 焗飯/ 意粉 (任選1客)+ 忌廉雞蓉粟米湯/ 汽水/ 紅豆奶抹/ 角切鮮檸蜜糖紅茶 / 綠茶 (任選2客)雙桃PIZZA，有白桃同黃桃，雙桃PIZZA有兩款選擇，可以揀辣肉腸或者大蝦，今次我就食雙桃配大蝦，又真係好夾好清新、好好味！葡汁雞皇焗飯食過PHD既長通粉，味道好一般，好似白烚通粉咁，但醬汁就好食，所以每次想穩陣d都係叫飯。葡汁雞皇焗飯食10次10次都好好食，盒飯大大盒，葡汁充足，撈飯係最夾，仲有好多件雞柳。平時叫餐都必追加脆雞，今次套餐包埋，最鍾意PHD 脆雞雞肉好彈牙嫰滑。紅豆奶抹估唔到咁好飲喎，抹茶跟紅豆係最佳配搭，抹茶濃度、甜度都剛剛好，完全跟一般台式飲品的甜味好有分別，飲完會令我想下次經過都要買杯飲。網上落單$220，可 +$1 換購蒜香包大大個蒜香包，同一般法式麵包既蒜香包係唔同既，個包包底有D似pizza，+$1 真係超級抵食！

落雨天唔想出街食，最方便就係叫外送速遞，由於住處偏遠，唔多外送速遞選擇，所以就成為咗PHD常客，只要消費滿$90就可享外送速遞服務。通常每次落完單，預計速遞到達時間為45分鐘，但每次例必比原定時間早，通常30分鐘就送到，真係好快呀。今次同家人一齊食，時間尚早，5:30pm 前落單可以食到下午茶餐，下午茶餐都仲要有飯/ 意粉食，叫個飯餐比一人餐平$5，於是快快落單，嚟個 早食既晚餐。下午茶餐 $45跟湯或汽水叫咗個葡汁雞皇飯，大大盒又多汁又多飯，仲有好多件雞柳，其實好抵食，味道又唔差。仲可以追加優惠 +$15 脆香雞下髀一隻，,最鍾意食PHD 脆香雞下髀，皮脆髲化，肉嫰彈牙，係家人每次落單必追加！

晏晝見到phd 嘅傳單，星期一至五外賣自取都係$119。就有一個普通批+8隻雞翼仲有兩個湯飲。抵，所以午餐就決定咗食一個Pizza套餐☝️一心諗住食芝趣批，但係唔知點解phd得知芝心批食。但好彩呢個芝士辣肉腸批都幾好食，加咗個芝心批令到個批邊都好好食👍 普通批嘅份量夠兩個人一齊食。夠飽既！另外個餐仲有蜜汁燒雞翼八隻，雞翼燒得好juicy! 而且雞翼隻隻都好大隻😌。除此之外個餐仲有兩碗蘑菇湯或者兩罐汽水。$119外賣自取價都幾抵下次可以再試。

有冇試過好想食一啲嘢， 但是幹附近得一個選擇， 你明知佢難食，你都會去食黎解癮我今日就食咗phd下午茶，佢哋珍珠奶茶係同一年前一樣，一樣咁難飲😖😖😖😖😖完全冇茶味冇奶味，只係一杯糖水，仲要有啲香茅味🙈

一向都唔係好鍾意食pizza，不過我覺得PHD已經算係幾好食，因為佢比較平，而且選擇多，成日都會有唔同嘅菜式，而且無論堂食同外賣嘅質素都有返咁上下，而且佢有一人餐，又可以叫小食，唔需要一大班人先至食得開心，所以我都幾推介

公司聚餐，除了叫到會之外，仲叫咗薄餅外賣！公司附近薄餅就係呢間！同事買咗就返來！佢話出菜都好快！20分鐘攞得！因為無一齊去叫！唔知佢哋叫乜套餐！共9百多元！脆香雞：外皮香口惹味，好像灑咗好多淮鹽粉，皮肥美，雞肉唔嚡無雪味！好味！夏威夷風情薄餅：厚批，批邊好粗，焗得幾香！菠蘿酸甜，火腿鹹香，芝士已凝！無咗熱辣辣嘅香！PHD多寶：無食葡汁雞皇飯：無食拿破崙汁海鮮意粉：無食！日韓香脆拼盤：炸雞6件：無食！紫菜粉卷4件：薄炸漿仲脆口，紫菜香口，入面嘅韓式粉媽彈牙！好味！日式章魚🐙丸：無食薯條🍟：淋咗！薯味夠濃！蜜糖芥末蛋：無食炸春卷：淋咗少少，春卷嘅亮點係點嘅醬！酸滑開胃！包裝企理！食物ok！派對要快唔使煩嘅一流！

薄餅店有飯食?而家間間食肆都玩多元化，咩都要有得食，去迎合唔同口味既客人，薄餅店既日式飯會係點?會唔會伏?如果講包裝，佢係企理既，採用2層既設計，汁同飯唔會撈埋一齊，可以自行調節汁量，但紫菜部份就需要自行處理，其實都無咩所謂，而我介意既係紫菜受潮咗，根本唔可以一片片地取出，當然食都唔好食喇~但我都明白，佢既流量的確……佢地用咗日本米，帶點黏口，但溫度不足，魚柳炸得唔香脆，漢堡扒都係一般來貨嘢，無咩特別，總括嚟講都係無下次！

今日我們喺粉嶺做嘢做到好夜，周圍附近好多店舖都收晒工，我們去咗附近嘅帝庭軒商場見到呢間「PHD 薄餅博士」仲未收工，所以我們就入咗去食晚飯！我們叫咗個3-4激安之果物套餐：鮮芒果海鮮蟹棒批「大批」嘅材料非常豐富有香甜嘅芒果、精選海鮮、蟹棒、魷魚、蘑菇同青瓜再加埋和風美容醬，令到感覺好清新，而薄餅嘅厚薄度適中，質感相當軟熟！韓式醬油脆香鷄「4件」係最新推出，但食落有意想唔到嘅驚喜，因炸得好金黃香脆，外層嘅炸粉亦唔會好厚身，肉質非常鬆軟嫩滑，而且肉汁相當多，醬油嘅味道亦好惹味，真係超正呀！係本人嘅必食推介！唐揚炸鷄·溫泉蛋一番和風飯「山賊汁（牛肉汁）」嘅溫泉蛋做得好出色，流心出嚟嘅效果相當好，米飯嘅質感相當煙韌軟熟，而山賊醬汁嘅味道亦好惹味，而且唔會好鹹！珍珠奶茶亦都有驚喜，因飲第一啖就已經有非常香滑濃郁嘅奶茶香味滲透整個口腔，有齒頰留香嘅感覺，而且珍珠嘅質感亦相當煙韌彈牙，真係好正呀！總括：雖然我們咁夜先入嚟食晚餐，但店員完全唔會表現出唔滿意同覺得我們會阻著他們收工嘅感覺，而且態度仲好親切有禮，真係值得一讚！