海記合桃坊甜品 (已結業)

今晚我们喺旺角西洋菜南街食完一餐失望嘅晚饭之后，我们就谂著要食返啲好食嘅甜品嚟安慰吓自己，所以我们就去咗「海记合桃坊甜品」食甜品！我们叫咗腐竹鸡蛋糖水嘅腐竹系煮到溶晒烂晒，就可以知道系用紧优质嘅腐竹，而唔系用劣质嘅，而且有好香浓嘅腐竹香味，糖水嘅甜度系啱啱好，唔会有甜到腻嘅感觉！沙沙合桃糊系呢度嘅招牌糖水，差唔多每台人客都有叫嚟食，合桃糊极之幼滑浓郁，浓稠度亦恰到好处，再夹埋舖满表面嘅沙沙，即粒粒合桃碎一齐食，令到层次感更加丰富，真系超正呀！紫薯雪乐冰芋圆西米露嘅雪糕系紫薯味，味道好芳香浓郁，质感好软绵绵，而且有入口即溶嘅感觉，而芋圆就有几种味道，分别系：芋头、地瓜同紫薯，而且质感超烟韧弹牙，真系好正呀！