嚐越 (已結業)

今日难得早放工，就同2个朋友一齐黎九龙湾德福行街食饭，见咁耐无食越南野，都想黎试下呢间「尝越」。7点几walk in 黎呢到都未满座，餐厅环境唔错，D台都唔会放到好逼，唔洗怕同朋友既对话会被其他人听到。3个女仔都喜欢食小食多过正餐，所以都系叫左一个饭，一个沙律，三个小食，同埋两个甜品一齐share。柠汁凤爪:怕骨既我最喜欢就系呢个柠汁凤爪，唔洗吐骨之余味道仲酸酸地咁，好开胃，令人食完一只到一只。青木瓜鸡丝沙律: 沙律材料非常丰富，木瓜同青瓜都切得够幼，蔬菜既份量都好适中，可惜沙律口感好干同味道比较淡，建议加配少少沙律汁，味道会更佳。香草烧虾饼: 烧虾饼同平时食开既炸虾饼不论口感同卖相都好大分别，呢到既烧虾饼虽然肉质比薄，但系无炸虾饼食到带弹牙既质感。网丝虾卷: 虾卷外皮松脆，馅惹味，配埋甜酸酱，几好味，可惜比较油。原个菠萝咖喱海鲜炒饭: 本小姐对食物卖相要求相当高，因为喜欢影相POST上网俾朋友睇，系谂紧食咩既时候见到好多人都叫呢个饭，所以我地都想叫黎试下，上菜后见到卖相非常好，原个菠萝上台真系加左唔少分，食落都几香咖喱味，海鲜都算多，D虾都好大只，几好味，份量够多，3个女仔都食唔晒。