阿婆豆腐花腐乳 (已結業)

成日都经过阿婆既铺头, 无论好天落雨都梗见到有一堆人企系度食豆腐花, 之前冇留心所以无试过 ( 我不是在附近由细住到大 ), 某日一试之下, 惊为天人! 点解?! 点解可以咁滑?! 咁大个女从未食过咁滑既豆腐花, 虽然豆味比较淡少少,但系个种一放入口就滑入喉咙既感觉真系冇得顶!! 然后再买一樽腐乳返屋企试,不得了!!一样咁正,腐乳味香浓幼滑,个人认为实在系仲好过廖孖记既腐乳呀! 但系阿婆而家既铺被业主大幅加租,只营业到6月10日,现仍在物色新铺中, 希望佢可以快d揾到附近既铺头就好喇! 咁我就唔驶惊以后再食唔到佢既豆腐花喇!!