螢壽司 (已結業)

是日约了朋友到SOGO同希慎行街，行之前当然要填饱个肚先会有力行，上网揾左一阵资料就决定黎食日本野。餐厅位于SOGO的后街几行钟路程十分方便。芝士三文鱼沙律($68)第一次食芝士三文鱼既沙律，芝士既浓味加上三文鱼既鱼香还有蔬菜的清新感觉，真是开胃的绝佳菜色。芝士海胆酿松叶蟹盖($78)一款厨师精心煮理的菜色，先将蟹肉起出，再将肉填满系蟹盖之中，再加上海胆同埋蛋浆，最后系面上加一层厚厚既芝士，用料十足，未整开芝士已经有阵阵既香味散发，芝士海胆再加蟹肉形成一个有丰富层次感的口感同埋味道，跟朋友食完都好回味。吉列广岛蚝($32)外面的皮炸得十分酥脆，咬落口有好清脆的声音，但蚝也可以保持到肉汁系内部没有流失到。而且肉质炸到完全熟透，十分淋没有老，十分细嫩及充满肉汁。日本伊势海老乌冬($168)原只伊势海老，十分大只比手掌还要大，汤汁是浓浓既海老汤底，还有半个糖心蛋，呢半个糖心蛋做得十分出色，成个好似布甸咁柔软而且做得十分入味，连蛋黄也吸收晒味道。另外有鱼刺同埋原只足料既海老，海老肉十分多，肉质十分结实，虾味十分重。最后加上系汤到吸收了全部精华既乌冬，食完两个人都满足晒。