王子神谷 (已結業)

今日约左朋友系诺士佛台食晚饭，因为早咗收工所以就喺附近行吓街，系上诺士佛台果条长楼梯隔离见到新开咗一间食梳乎厘班戟既铺头，所以就买咗份嚟食吓。叫咗软滑吉士草莓梳乎厘班戟同芒果柚子蜜苏打绿。软滑吉士草莓梳乎厘班戟 ($68) : 卖相好似件蛋糕，食完第一啖真系返唔到转头 🤤 好好好好好正呀 😍 呢件完全啱哂我口味，超嫩滑既吉士酱，配上暖笠笠既梳乎厘班戟，好味程度超乎我想像。👍🏻👍🏻👍🏻👍🏻👍🏻芒果柚子蜜苏打绿 ($34) : 跟班戟叫会减 $10 蚊都几抵饮，估唔到呢杯王子推介饮品系咁出色既，芒果柚子味道浓得嚟唔会太甜，而且重食到芒果肉同柚子肉，超级正呀。😍