影片
更多
2023-12-17
57 浏览
第一次海鲜蒸锅，就献咗俾呢间餐厅，老板系做海鲜批发，所以用料非常新鲜，而且海鲜品种都好少会喺坊间揾得到。食嘅时候会有职员帮你蒸同夹俾你，服务周到，而且蒸每一款海鲜之前都会同你介绍吓，成个用餐过程轻松愉快😄尊贵海鲜套餐 $4491. 野生膏仔蟹🦀系呢度嘅招牌，就算切开咗都仲识得郁，超级新鲜！2. 太平洋馒头蟹🦀佢嘅外型好似拳头咁好得意，佢主要系食蟹膏，所以会比较少肉。3. 野生琵琶龙虾🦞第一次食呢种龙虾，啲肉好甜，冇谂过都有咁多橙色膏🤤4. 台湾九孔鲍鱼比一般嘅鲍鱼细只，但因为咁而更加有咬劲，爽口弹牙，唔会咬唔开。5. 日本野生大赤虾🦐虾头爆汁爆膏，仲要系橙红色嘅，而虾身肉质厚实，一路食一路觉得好幸福🥰6. 大扇贝扇贝嚟讲我最钟意食佢橙色𠮶个位，而呢两只都超级肥，加分！7. 苏格兰蛏子足足有我只手掌咁大，一粒沙都冇好加分，佢嘅味道清新，口感脆爽，作为前菜非常合适💯8. 黄金翡翠螺🐚轻轻一撩就拎到出嚟，肉质烟韧鲜美，仲带有淡淡嘅海水味👅9. 韩国斧山珍珠蚝🦪蚝味浓郁，入口即化！10. 有机蔬菜篮🥬估唔到就咁蒸熟佢咩汁都唔点都可以咁好食，果然系新鲜靓菜👍🏻最后仲有粥同甜品，个粥吸收晒海鲜嘅精
尊贵海鲜套餐 $449
1. 野生膏仔蟹🦀
系呢度嘅招牌，就算切开咗都仲识得郁，超级新鲜！
2. 太平洋馒头蟹🦀
佢嘅外型好似拳头咁好得意，佢主要系食蟹膏，所以会比较少肉。
3. 野生琵琶龙虾🦞
第一次食呢种龙虾，啲肉好甜，冇谂过都有咁多橙色膏🤤
4. 台湾九孔鲍鱼
比一般嘅鲍鱼细只，但因为咁而更加有咬劲，爽口弹牙，唔会咬唔开。
5. 日本野生大赤虾🦐
虾头爆汁爆膏，仲要系橙红色嘅，而虾身肉质厚实，一路食一路觉得好幸福🥰
6. 大扇贝
扇贝嚟讲我最钟意食佢橙色𠮶个位，而呢两只都超级肥，加分！
7. 苏格兰蛏子
足足有我只手掌咁大，一粒沙都冇好加分，佢嘅味道清新，口感脆爽，作为前菜非常合适💯
8. 黄金翡翠螺🐚
轻轻一撩就拎到出嚟，肉质烟韧鲜美，仲带有淡淡嘅海水味👅
9. 韩国斧山珍珠蚝🦪
蚝味浓郁，入口即化！
10. 有机蔬菜篮🥬
估唔到就咁蒸熟佢咩汁都唔点都可以咁好食，果然系新鲜靓菜👍🏻
最后仲有粥同甜品，个粥吸收晒海鲜嘅精华，唔需要落调味料都已经足够鲜味，而甜品就系椰汁炖雪燕，淡淡嘅味道啱晒我呢啲唔钟意食太甜嘅人😋
2 浏览
0 赞好
0 留言
张贴
