烏蠅館 (永榮樓) (裝修中)

最近红磡开咗间新菜馆，主打冒菜同川式料理，晚上更提供烤鱼同火锅，餐厅环境唔算好大，座位之间有适当距离，仲有卡位，感觉十分舒适，另外整体价钱都算合理，经过不妨试试😎烤鱼款式有三款，珍珠鱼、海鲈鱼同清江鱼，店员推介清江鱼，有成700-800g，味道鲜甜，鱼肉结实，肥味无穷，骨都唔算多，老少咸宜，旁边配上多款素菜，洋葱、菇等，而且蒜香味浓郁，超级入味，性价比高👍🏻 凉拌小食有豇豆同青椒皮蛋，前者比较少见，咬落爽口，搭配蒜蓉真美味、后者够辣又入味，正😄 配料方面有好多选择，油麦菜、唐生菜、豆腐、番茄、样样有齐，蔬菜新鲜，吸饱浓浓嘅蒜香汤汁，虽然好油但真系忍唔住一啖接一啖！唔够饱可以点埋主食，火锅面软硬度适中，最后先落所以超级无敌入味、另外因为整体味道偏浓郁，建议可以加碗热辣辣嘅白饭配住食～ 甜点有成都老酸奶，酸酸地够晒开胃、而饮品叫咗黑糖雪燕鲜奶同百香菠萝气泡，解渴又消暑！