錦麗 (世貿中心) (已結業)

一个人出开铜锣湾，就去左世贸间「锦丽」食越南粉，因为有单人枱位置，可以慢慢食唔使有压力。餐厅最入有多人餐枱，还可看到海景，几正。牛丸是必食的，但心大心细想食埋生熟牛肉，唔使谂，直接点个锦丽综合粉，有齐三款牛，满足哂为食嘅我。锦丽综合粉 $66，有齐生牛肉、熟牛肉、牛丸。先饮啖汤，牛味浓郁，清而不腻。生牛肉薄薄地，浸两浸入口嫩滑无渣，半熟的质感系特点之一。熟牛肉较厚身，牛味更重更能食到肉类纤维，有嚼感。到主角牛丸，唔知系咪自家制，牛丸好爽口弹牙，而且有埋牛筋，质感有别于一般牛丸，特别好咬。仲会分开上调味配料，青柠、辣椒、芽菜、香叶，自己想点加都得，我就喜欢全部都加，增添香味同口感，仲有灵魂之一的青柠提味。