影片
更多
2017-07-27
1645 浏览
康怡廣場呢度有好多大大細細嘅食肆，而Quattro's Kitchen就喺正地下，即係Aeon超市嗰層。Quattro's Kitchen六月先開張，門口個廣告牌有張大大張嘅牛扒相，仲寫住澳洲M5和牛斧頭牛扒，有 1200-1300克，真係大得驚人。身為牛魔王嘅我真係流晒口水，睇吓餐牌先知＄688一份。同朋友喺門口徘徊左陣，兩個人真係食唔到1200-1300克喎，唯有下次班多幾個人嚟食。但我哋最終都係入咗去食，因為見到餐牌有美國西冷、加拿大安格斯牛小排、香煎鵝肝拼美國穀飼牛柳、扒波士頓龍蝦拼無骨牛小排……煙三文魚多士、松露蘑菇醬多士、自家製鵝肝醬多士$78，多士底好脆口。煙三文魚多士擺成花型，賣相都幾靚。松露蘑菇醬多士，松露味好突出。自家製鵝肝醬多士，用士多啤梨同藍莓點綴，味道似豬潤，口感更細緻幼滑，味道都更香。但我更鍾意煎鵝肝多士，更香口，外皮微脆，食完滿口油香。白酒藍青口配蒜蓉包＄108，一大碗藍青口配兩片即焗蒜蓉包。好多白酒汁，仲要好濃味。藍青口吸收晒啲汁，每隻青口肉都煮得好幼嫩，好滑，係啱啱熟嗰隻。我同朋友旋風式搶住食，一陣就食晒，佢仲連汁都撈埋。呢個係我食過最好食嘅青口，我推
Quattro's Kitchen六月先開張，門口個廣告牌有張大大張嘅牛扒相，仲寫住澳洲M5和牛斧頭牛扒，有 1200-1300克，真係大得驚人。身為牛魔王嘅我真係流晒口水，睇吓餐牌先知＄688一份。同朋友喺門口徘徊左陣，兩個人真係食唔到1200-1300克喎，唯有下次班多幾個人嚟食。但我哋最終都係入咗去食，因為見到餐牌有美國西冷、加拿大安格斯牛小排、香煎鵝肝拼美國穀飼牛柳、扒波士頓龍蝦拼無骨牛小排……
煙三文魚多士、松露蘑菇醬多士、自家製鵝肝醬多士$78，多士底好脆口。
煙三文魚多士、松露蘑菇醬多士、自家製鵝肝醬多士
$78
38 浏览
0 赞好
0 留言
松露蘑菇醬多士，松露味好突出。
自家製鵝肝醬多士，用士多啤梨同藍莓點綴，味道似豬潤，口感更細緻幼滑，味道都更香。但我更鍾意煎鵝肝多士，更香口，外皮微脆，食完滿口油香。
白酒藍青口配蒜蓉包＄108，一大碗藍青口配兩片即焗蒜蓉包。
白酒藍青口配蒜蓉包
$108
32 浏览
0 赞好
0 留言
法式干邑龍蝦湯＄68，濃稠度啱啱好，用左少少干邑提味，酒香味極輕微，但令到鮮味更平衡。
法式干邑龍蝦湯
$68
21 浏览
0 赞好
0 留言
我地兩個牛魔王冇食到澳洲M5和牛斧頭牛扒，所以要點返兩個牛扒食，扒美國西冷配燒汁同加拿大安格斯牛小排配紅酒汁。
加拿大安格斯牛小排配紅酒汁＄198，有兩條，其中一條較為肥美，所以兩條味道有少少分別! 我覺得肥啲好食啲
加拿大安格斯牛小排配紅酒汁
$198
13 浏览
0 赞好
0 留言
油花較多，油脂溶化，味道比較香，每一口都帶有香濃牛油味。
扒美國西冷配燒汁$218，都幾大塊，啖啖肉。
扒美國西冷配燒汁
$218
24 浏览
0 赞好
0 留言
要讚一下，伴碟蔬菜有七款，都幾用心。
飲品方面有果茶，見隔嚟枱叫左，有個小火爐，我地又跟! 食得太飽，用熱果茶消消滯。
晨曦之旅(紅色)＄42，蘋果園(黃色)＄42。
晨曦之旅(紅色)係雜果味，入面加入左檸檬草，味道較酸，醒神消脂之選。蘋果園(黃色)入面有粒粒蘋果乾，味道較為香甜。我鍾意呢款多啲
今晚食左兩款牛牛，飲左干邑龍蝦湯同兩款果茶，仲食左個好正嘅白酒藍青口，好滿足。
最後要一提，餐廳請左位聽障侍應，好值得讚許。嗰位侍應好勤快，如果嚟呢度食遇到侍應唔應你或唔出聲，請耐心同體諒。
张贴
