米子

营业中

休息中

早前有嘢要去ikea买，所以就揾个男朋友同我去mega box ikea买嘢，之后揾下mega box有咩食，揾到呢间越南菜，所以就去食啦。我地拣左烧鸡黄姜饭、菠萝炒饭、炒莲藕苗同一杯蓝天使。佢个烧鸡黄姜饭真系好吸引，一来我好钟意食黄姜饭，二来佢啲黄姜饭系酿入鸡里面，所以黄姜饭除左黄姜味，仲有鸡味同埋吸到鸡油，令味道更上一层楼，真系超好味。而菠萝炒饭同我想像中有出入，我想像系有原个菠萝装住，唔知系咪越式同泰式的分别，不过就一样都好好味，好够火喉，我最钟意就系佢啲腰果，捞埋一齐食，更加好味。我就见到饮品有杯叫蓝天使的，所以就叫来试试，原来佢系蓝莓加椰奶，我见到想以为系越南咖啡，不过都照试，但我问过，无得走甜，所以杯嘢都几甜。炒莲藕苗就真系好特别，出面好少见，但原来味道都好正，系一个不错的选择。