影片
更多
2023-12-18
19 浏览
我唔系成日去食omakase，今次嘅experience比左我好好印象😍间铺头就话系跑马地，其实系好近铜锣湾，利园行过去都得，唔洗怕麻烦！今次我地嘅menu如下：先付昆布鲽鱼、岩手县海老、鸭肉、银杏、糖清栗子 & 本之子 (秋刀鱼、松茸、菇)总括嚟讲，每一样嘢食都有佢嘅特色，但系所有嘢食又好夹，唔会觉得有边啲食材抢咗另一啲食材嘅味道。小食炸沙甸鱼鱼苗我都系第一次食沙甸鱼苗，师傅将佢变成一块块好似薯片咁，特别之作。Sashimi 刺生平目鱼 (鱼肉同沿侧) / 香箱蟹 / 石川寒𫚕 / 八爪鱼刺身、吸盘配酱油渍Wasabi / 佐贺赤贝、北海道白见贝 / 武士蚝 / 北海道三文鱼子配萝卜蓉拣其中几款我钟意嘅介绍下 - 香箱蟹系师傅原只帮我地拆，我平时系会搞到d肉散晒，特别系脚肉😂 师傅当然专业，完整上碟。只蟹好鲜甜，d肉好嫩，果然系师傅的pick！本人就好钟意食八爪鱼，所以当然钟意师傅拣嘅八爪鱼😍 条八爪鱼好大只，净系一只脚已经好似我对脚咁长，所以个吸盆都好大粒，好新鲜，好有嚼口，但系又唔系嚼唔开，系我食过最好食嘅八爪鱼。北海道三文鱼子配萝卜蓉都好surprise，其实平时我对三文鱼子
间铺头就话系跑马地，其实系好近铜锣湾，利园行过去都得，唔洗怕麻烦！
今次我地嘅menu如下：
先付
昆布鲽鱼、岩手县海老、鸭肉、银杏、糖清栗子 & 本之子 (秋刀鱼、松茸、菇)
总括嚟讲，每一样嘢食都有佢嘅特色，但系所有嘢食又好夹，唔会觉得有边啲食材抢咗另一啲食材嘅味道。
小食
炸沙甸鱼鱼苗
我都系第一次食沙甸鱼苗，师傅将佢变成一块块好似薯片咁，特别之作。
Sashimi 刺生
平目鱼 (鱼肉同沿侧) / 香箱蟹 / 石川寒𫚕 / 八爪鱼刺身、吸盘配酱油渍Wasabi / 佐贺赤贝、北海道白见贝 / 武士蚝 / 北海道三文鱼子配萝卜蓉
拣其中几款我钟意嘅介绍下 -
香箱蟹系师傅原只帮我地拆，我平时系会搞到d肉散晒，特别系脚肉😂 师傅当然专业，完整上碟。只蟹好鲜甜，d肉好嫩，果然系师傅的pick！
本人就好钟意食八爪鱼，所以当然钟意师傅拣嘅八爪鱼😍 条八爪鱼好大只，净系一只脚已经好似我对脚咁长，所以个吸盆都好大粒，好新鲜，好有嚼口，但系又唔系嚼唔开，系我食过最好食嘅八爪鱼。
北海道三文鱼子配萝卜蓉都好surprise，其实平时我对三文鱼子系正常感觉，但系师傅加咗萝卜蓉升华咗个三文鱼子嘅口感同埋鲜味。
石川寒𫚕就系我第一次听嘅，因为师傅会安排好多季节性海鲜，呢个就系其中一样，寒就代表左冬天呢个季节。咁寒𫚕又出奇咁好食，好爽身架！
季节料理
昆布酱油烧白子 & 海老真丈
我系第一次食白子，其实师傅都整得好好，只要佢唔同我讲系白子嘅话，我真系完全唔知佢系白子，一啲腥味都冇，而且个口感都系平时食普通内脏嘅感觉，一啲都唔难入口。
Sushi 寿司
金目鲷 / 大分关鲭 / 福冈枪鱿鱼 / 帆立贝 / 秋刀鱼 / 新鲜酱油渍赤身 / 中拖罗 / 大拖罗 / 海胆海苔包
总括嚟讲全部都好好食，真系冇一件寿司系令我失望，而且师傅知道我哋都食得有啲饱，帮我哋调节咗个寿司饭嘅份量，令到我哋可以好好咁样享受啲寿司。
我最钟意就系福冈枪鱿鱼，中拖罗，大拖罗，同埋海胆。
本身我自己钟意食鱿鱼，所以私心觉得鱿鱼好好食。鱿鱼软腍得黎有d爽脆，仲有啲甜，而且师傅加咗芝麻叶提升咗鱿鱼鲜味嘅层次。
中拖罗鱼嘅鲜味同埋油脂味分布得好平均，师傅仲俾我哋睇咗条鱼有几大条，真系见到啲鱼肉红当当，非常新鲜。
大拖罗方面，平时都会因为佢太油所以食唔到鱼嘅鲜味，但系师傅就加咗盐去平衡返，加咗盐之后成个寿司即刻提左鲜，肥美之余仲保留左鱼嘅鲜味。
最后就系个海胆，海胆一啲都唔腥，而且师傅俾咗好多我地，成个口都系海胆𠮶种鲜味，入口即化，非常之难忘。
甜品
蒸南瓜布甸配和歌山柿
师傅比嘅都系季节性食材，歌山柿当造，自然非常鲜甜。另外，第一次食南瓜布丁，师傅仲将南瓜皮都放埋入去，虽然有南瓜皮，但系一啲都唔嚡，又唔系死甜，唔错。
张贴
