夏麵館 (新都城中心二期)

营业中

休息中

情人节就到，为免男朋友太破费，我地今次选择食中餐。我提议去食中餐。去食佢钟意的蟹粉小笼包。这个蟹粉宴套餐食物丰富！性价比高～先来饮品豆浆和或夏伯伯酸梅，味道浓郁，唔会淡而无味。精装五小碟有蒜香四季豆、虎皮素鹅、镇江水晶肉、美味海蜇头和凉拌小木耳，每款少少地可以乜都试匀，啱晒多心的他。哆唻咪个名好得意，其实系鲜蟹粉河虾仁。蟹粉真系澎湃，捞埋鲜虾食，甘香之余多鲜爽弹牙。王牌酸辣汤/瑶柱豆腐羹，我地拣左各一黎试。酸辣汤好足料，酸酸辣辣好开胃，而瑶柱豆腐羹就比较清淡，啱唔食辣的人。生煎蟹粉小笼包，包皮煎得带脆，入口啖啖肉带蟹粉香，男朋友一口气食左3粒！蟹粉扒菜心，菜心上面堆满蟹粉，每条都清甜爽脆，加上蟹粉的甘香，更加惹味！主菜蟹粉捞饭或三虾烩面，我地拣了蟹粉捞饭真系明智！饭煮得干身又热辣辣，捞埋蟹粉，真系啖啖甘香，超级滋味！我地食到一粒都无剩！最后食埋甜品开心果高力就停手了。好饱好满足！情人节食呢个性价比咁高嘅蟹粉餐，男友大赞！