第一郡 (已結業)

今日同妈妈过左去天后食lunch，入左去一间越式粉面店，店内入面嘅位置唔多，lunch time都几爆场，好彩仲有两个位，不过就要同人搭一搭枱。见个个都点呢个蟹膏番茄汤檬，可以拣檬粉/河粉，佢哋嘅檬粉似米粉，但再好食啲😋汤底系酸甜嘅蟹汤，好浓郁惹味，又完全唔觉系味精汤，真系真材实料！饮完都唔会口渴😝最特别就系佢嘅蟹膏蟹肉饼，唔知点解可以整到呢个形状🤔食落系极浓厚嘅蟹膏味，仲有好多蟹肉‼️老板话原来加咗蛋浆先可以整到咁，出面一定食唔到！除咗呢个，仲有豆卜猪红其他配料，$50真系相当抵食！而另一碗Q1面$65有鱼肚、带子、冬菇食真系好吸引！面头嘅两大旧白萝卜都唔好睇小，清甜无渣，超好食！鱼肚又厚又嫩，相当滋补❤️带子有五粒耶，都是嫩嫩的😝呢碗嘅面底系拉面，口感好爽！汤底嘅蟹味浓，味道劲鲜甜💕各有特色，所以两碗都是推荐的！妈妈想食米纸虾卷，$20一条，$35两条，所以我都食一条！米纸皮好烟韧啊！入面有虾、檬粉、香草、猪肉，配料都几丰富，但我就唔钟意香草阵味，同埋猪肉有点儿过肥！但个卷皮好食👍🏻之后点左好杯smooth嘅牛油果沙冰😍真心有惊喜！估唔到食碗面都可以饮到咁高质嘅沙冰😝饮到阵阵嘅牛油果味