麻辣派對 (金百利廣場) (已結業)

最近女朋友成日喺度话想食酸辣粉，为咗塞住佢把口，我就特登揾咗呢间同佢一齐食。≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣只不过我同佢都食唔到好辣，所以就冇嗌到水煮鱼𠮶啲，嗌咗其他嘢食。我哋嗌咗咕噜肉，口水鸡，两碗酸辣粉。本身对于呢一间嘅咕噜肉嘅期望唔系太高，因为佢主要食麻辣嘢。但呢度嘅咕噜肉几好食，好脆，几有惊喜。呢度有样好嘅嘢系有得拣辣度，口水鸡同酸辣粉我哋都嗌咗小辣，连唔系好食到辣嘅我哋都接受到。口水鸡嘅份量都唔少，同埋肉质都嫩滑，几抵食。佢哋嘅酸辣粉好好食，真系做到又酸又辣，好正。绝对唔系好似出面𠮶啲酸辣粉咁得个辣字，淡茂茂咁样。个碗虽然好大，但份量唔算好多。如果可以再多返少少咁就好喇。而水果茶真系几足料，又清爽，夏天饮真系一流。≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣如果下次女朋友再话想食酸辣粉嘅时候，我都会想再带佢嚟呢度食。