渝味曉宇重慶老火鍋 (如心廣場) (已結業)

渝味晓宇重庆老火锅系政府宣布放宽堂食人数之后，就同朋友黎到尝试下传统重庆麻辣火锅。重庆火锅比人既形象就系麻辣，好多唔食辣既朋友通常因为咁而却步。而本人平常都唔系好食得辣，但今次食麻辣火锅都算可接受。而佢既汤底可以选择辣同唔辣，照顾不同客人需要。首先，我叫左个双并鸳鸯锅，普通辣大红锅拼山珍菌汤锅。 叫完汤底之后，侍应会奉上每人一碗餐厅预设既汤水，比我地先清热及润喉，照顾周到。「美国安格斯优质肥牛」-打边炉点可以唔叫肥牛，牛肉肉质好滑，入口即溶。「特色迷你燕饺」-平常好少食燕饺，见有机会就叫叫黎试下，食落去似系细版既鱼皮饺，味道唔错。「羊肉」-有唔少朋友因为怕羊肉会有膻味，所以唔钟意食。但今次我食这款羊肉无羊膻味，羊肉食落去入口即溶。「手打墨鱼滑」-无论虾滑或者墨鱼滑，都系打边炉必点既食材，所以当然要试下啦。墨鱼滑，配上麻辣汤既味道，食落口又弹牙又辣，过瘾十足。总括而言，优质食材配上传统既重庆麻辣火锅汤底，极力推荐朋友去尝试。