辛安東元祖奶奶雞 (已結業)

今晚我们去咗旺角白布街嘅「辛安东元祖奶奶鸡」食晚饭！我们叫咗水冷面有几片爽脆清甜嘅雪梨舖面，冷面嘅面质好软滑幼身，而且好冰冻，感觉好清新！真露煮蚬系用水煲载著，造型卖相都几别致，蚬肉好鲜甜，汤底嘅味道好清甜芳香！卡邦尼年糕嘅年糕相当烟韧弹牙，酱汁好浓郁，但芝士嘅份量就极之多，感觉比较腻！鸭肉泡菜包上碟𠮶阵祇系切开两件，我们向店员要求再切开一半，店员达到我们嘅要求，包质好薄身同焗得好脆身，鸭肉嘅肉质好软滑！炮兵锅嘅面质好爽口弹牙，材料都几丰富！釜山鲜蚝奶奶鸡嘅鸡肉肉质非常嫩滑，舖底嘅薯粉面质超烟韧弹牙，辣度可以自己选择唔同嘅辣度，我们拣咗小辣，鸡肉同其他所有配料都吸收晒辣汁嘅味道，真系相当惹味！特色饮品嘅造型卖相系一个灯泡，真系非常趣致！