喜來稀肉 (瓊華中心)

营业中

休息中

我好耐无去过食韩烧，最近睇过网上啲人介绍呢度。咁啱又约到朋友，所以就一齐嚟试下。我哋得2个人，食得唔多。所以只叫咗五花腩，护心肉，海鲜葱饼，饮品等……不过都已经食得好饱。首先讲下个五花肉，佢一层肥一层瘦，而且肥瘦好均匀兼且带皮，所以食落有啲咬口，烧烤后啲油脂亦好甘香，夹住生菜，少少蒜片食真系正。而护心肉有少少筋膜，但系食起嚟唔靭，好好食。而送上嚟嘅护心肉有厚有薄，烧烤嘅时候要睇实，唔系好易煮得过咗火，咁就嘥咗喇。而炉边啲鸡蛋，同芝士鸡蛋好软熟，如果唔够仲可以添加㗎！海鲜葱饼，海鲜我就食到有鱿鱼，虾。而且有好多葱！啲葱好甜好好食！！！唯一觉得唔系咁好就系个饼比较厚，食完呢个都已经好饱………搞到都无quota 试下其他嘢………另外，仲可出去夹𠮶啲泡菜，酸萝卜，芽菜等等……我就好钟意食酸萝卜喇！！啲萝卜酸酸哋同好爽，好好食！！我自己就夹咗2转啦！最后我仲叫咗杯柚子汽水，有好重柚子味。佢送到嚟时，记得搞匀嚟饮呀！！咁先好好饮。仲有样嘢值得一赞，就系服务员会成日好主动问使唔使换铁板 棒棒的！