淥烚年代

营业中

休息中

渌烚年代除左顾名思义有火锅之外，仲有超正中式海鲜私房菜😋四个人食五𩠌一汤够晒食，仲有大只龙虾扇贝等高级食材～1️⃣龙虾炒饭⭐️⭐️⭐️⭐️⭐️以炒饭舖底吸收晒龙虾嘅鲜味，上面大大只龙虾超鲜甜多肉够晒新鲜，钟意食海鲜绝对不能错过！龙虾起好晒肉好方便，唔钟意剥甲壳类嘅女仔朋友都可以用筷子就食到美味嘅龙虾肉。加上上汤淋喺面，绝对系值五星嘅菜色😍2️⃣粉丝蒸扇贝⭐️⭐️⭐️⭐️⭐️又一道满分嘅海鲜菜式～扇贝大大只之余仲有好大块橙膏，放上蒜蓉一齐蒸逼晒啲鲜味出嚟，扇贝嘅汁由粉丝吸收晒，啲粉丝充满精华好鲜甜！3️⃣冰镇咕噜肉&手撕鸡⭐️⭐️⭐️⭐️除咗海鲜，肉类一样出色。咕噜肉热食得多，冰镇够晒特别～个盘加埋幻灯效果，卖相一流，而冰镇之后嘅咕噜肉锁住肉汁，外脆内软，而且冷盘好fresh，加埋火龙果够晒开胃，食极都唔会滞🤩手撕鸡有青瓜伴碟，都好清新，有肉有菜饮食均衡～4️⃣双蚌 - 珊瑚蚌&象拔蚌⭐️⭐️⭐️⭐️啲蚌好弹牙爽口～清清地够晒新鲜，衬埋好fresh嘅西兰花喺底，更加清新！总括而言，如果大家想揾食私房菜又钟意海鲜同埋中菜，下次不妨试吓渌烚年代~