堅信號上海生煎皇 (慈雲山中心)

营业中

休息中

朋友住喺呢一附近，过嚟揾朋友嘅同时就嚟一齐食晏。我哋两个人嗌咗两份餐一个系上海菜饭配生炸排骨另外一份系酸菜鱼面。佢哋嘅午市套餐都好抵食，有搭配埋一粒生煎包同埋一个糖心蛋。门市好干净企理，位置多，唔使等位，服务态度好好啲店员都好热情。个生炸排骨外表炸得好脆入边啲肉好嫩，我钟意搭配佢嘅辣酱，搭配起身几好食。同埋菜饭好香都系用佢哋嘅辣酱搭配菜饭一齐食。朋友话佢𠮶份酸菜鱼啲面好筋道，好入味。一上枱就闻到香味，查实如果中午嚟食就真系几抵食㗎。