影片
更多
2021-06-11
1629 浏览
尖沙咀山林道嘅铁板先生，好好味嘅铁板烧，真系唔可以唔推介。山林道出名多嘢食，但系呢间小店好似唔系好出名，如果唔系朋友极力推介，真系行过路过都唔会留意到，而且出面搭紧棚，更加唔起眼。因为听讲间舖唔大，所以提前打咗去留位，𠮶晚坐正师傅前面，一路睇佢烧一路食，好过瘾。因为得一个师傅，所以要慢慢食，急嘅人唔建议去。menu都系二人餐，不过人数可加可减，我哋三个人，都拣咗神户和牛餐，1288系两个人嘅价钱。一开始系沙律，蟹子生牛肉沙律，好味，汤都好好味，唔似平时饮开𠮶啲面豉汤，刺身正正常常。我觉得重头戏之一系劲大只虾，黄金一尺巨虾，我又真系冇见过香港有咁大只虾卖，连虾头都好多膏同肉，师傅会好有心机烧好耐俾埋我哋食。d肉劲弹牙，我觉得唔输俾龙虾，当然呢度嘅龙虾餐未试过，冇对比。之后系生蚝，都一样烧得好好味，上面有蒽又有啲干鱼仔，真系好香好好味。鱼其实系好普通嘅龙俐鱼，我平时都麻麻地呢种鱼，但系真系估唔到烧出嚟系咁好味，面系脆嘅。另一大重头戏，当然系神户和牛，呢个真系好正，虽然要咗7成熟，但系都入口即化，真系好香，烧嘅时候师傅会系入面包啲蒽同其他配料，所以就算唔用酱汁，都好够味，一大啖落去，真系冇得
山林道出名多嘢食，但系呢间小店好似唔系好出名，如果唔系朋友极力推介，真系行过路过都唔会留意到，而且出面搭紧棚，更加唔起眼。
因为听讲间舖唔大，所以提前打咗去留位，𠮶晚坐正师傅前面，一路睇佢烧一路食，好过瘾。因为得一个师傅，所以要慢慢食，急嘅人唔建议去。
menu都系二人餐，不过人数可加可减，我哋三个人，都拣咗神户和牛餐，1288系两个人嘅价钱。一开始系沙律，蟹子生牛肉沙律，好味，汤都好好味，唔似平时饮开𠮶啲面豉汤，刺身正正常常。
我觉得重头戏之一系劲大只虾，黄金一尺巨虾，我又真系冇见过香港有咁大只虾卖，连虾头都好多膏同肉，师傅会好有心机烧好耐俾埋我哋食。d肉劲弹牙，我觉得唔输俾龙虾，当然呢度嘅龙虾餐未试过，冇对比。
之后系生蚝，都一样烧得好好味，上面有蒽又有啲干鱼仔，真系好香好好味。鱼其实系好普通嘅龙俐鱼，我平时都麻麻地呢种鱼，但系真系估唔到烧出嚟系咁好味，面系脆嘅。
另一大重头戏，当然系神户和牛，呢个真系好正，虽然要咗7成熟，但系都入口即化，真系好香，烧嘅时候师傅会系入面包啲蒽同其他配料，所以就算唔用酱汁，都好够味，一大啖落去，真系冇得顶。
之后就系炒饭同菜，其实已经好饱，不过个炒饭我竟然都食哂咗，一d都唔油，好香好好味。
餐厅原来开咗几耐下，不过又真系冇乜人知，希望可以一直开落去，我仲想试埋d平啲嘅套餐🤣
张贴
