蟹點

营业中

休息中

今日公司有event系海洋公园，顺便去左睇熊猫，真系好得意啊！之后就同一个比较要好嘅同事食dinner，同事本来都住南区，所以我叫佢推介有边间有特色又好食，同事话去海怡半岛站附近嘅蟹点，我当然就跟著去啦! 一来到首先见到嘅就系个自设鱼缸，里面好多不同种类嘅新鲜海鲜，呢到都有户外座位，感觉有d似高档大排档，一行入室内就觉得好有气氛，亦都闻到厨房𠮶边好有镬气，冬天呢个天气坐外面都几舒服，几有feel，不过我哋今日就决定咗坐室内。menu都有好多选择，呢度更加可以带自来海鲜，有大众点评优惠券可以买团年盆菜，不过我哋今日就试咗几样日式菜都觉得好正！ 嚟得呢度，就梗系要叫最出名嘅蟹啦，最尾决定咗要姜葱炒蟹，真系超大只又新鲜，啖啖肉，食得好过瘾，炒得好有镬气，姜葱均匀咁样喺成只蟹度都沾满酱汁，但系唔会觉得肥腻，蟹肉亦都相当鲜甜！ 另外趁住天气冻，梗系要饮番啲汤水啦，所以就叫咗一个杏汁炖白肺汤，饮落去觉得好养生，白肺汤完全冇奇怪嘅味道，反而有一种淡淡嘅杏仁香味。 菜就叫咗一个干逼榄菜肉松四季豆，真系好惹味，浓得来又唔会过咸，完全唔系平时餐厅死咸𠮶种味道。