Tapa Room (積福大廈)

营业中

休息中

Item: Tapa Room (積福大廈)
Rating: 5
Author: hkgourmetparadise

4.5

292 食记

味道

环境

服务

卫生

抵食

15296

铜锣湾

$101-200

西班牙菜酒酒吧

265

hkgourmetparadise

等级4

333

喺以前仲有得去旅行嘅日子，我有次去咗40几日欧洲旅行，一路有北欧玩落去。唔知系咪因为穷游，唔系餐餐都食得好，去到中途有啲挂住亚洲嘅食物，有啲思乡（呢个思乡真系解挂住香港）。然后我记得我去到西班牙𠮶阵好开心，因为佢有饭食（西班牙海鲜饭），啲tapas又有好多款拣，好正。自此之后，我就觉得西班牙菜好好食，系我比较钟意嘅欧洲菜式。今次嚟咗铜锣湾呢间Tapa Room食西班牙菜，有好多唔同嘅Hot Tapas同Cold Tapas拣，我就每样拣左几款。至于main course就拣左Seafood Paella，去回味返喺西班牙旅行𠮶阵日日食paella嘅感觉。🐙Octopus Carpaccio Slow-cooked 薄切慢煮八爪鱼 $78慢煮嘅八爪鱼加上少少橄榄油带出咗八爪鱼本身嘅鲜味，食落嘅口感几弹牙，感觉几清新，配埋蕃茄同青瓜制成嘅酱，酸酸甜甜咁，作为第一道菜，都算几开胃。🐷Jamon Iberico 24 Months 西班牙黑毛猪火腿24个月 $88Jamon Iberico同Paella真系并列为我最钟意嘅西班牙食物。想当年去到西班牙𠮶阵，第一次喺当地食Jamon Iberic

喺以前仲有得去旅行嘅日子，我有次去咗40几日欧洲旅行，一路有北欧玩落去。唔知系咪因为穷游，唔系餐餐都食得好，去到中途有啲挂住亚洲嘅食物，有啲思乡（呢个思乡真系解挂住香港）。然后我记得我去到西班牙𠮶阵好开心，因为佢有饭食（西班牙海鲜饭），啲tapas又有好多款拣，好正。自此之后，我就觉得西班牙菜好好食，系我比较钟意嘅欧洲菜式。

今次嚟咗铜锣湾呢间Tapa Room食西班牙菜，有好多唔同嘅Hot Tapas同Cold Tapas拣，我就每样拣左几款。至于main course就拣左Seafood Paella，去回味返喺西班牙旅行𠮶阵日日食paella嘅感觉。

🐙Octopus Carpaccio Slow-cooked 薄切慢煮八爪鱼 $78
慢煮嘅八爪鱼加上少少橄榄油带出咗八爪鱼本身嘅鲜味，食落嘅口感几弹牙，感觉几清新，配埋蕃茄同青瓜制成嘅酱，酸酸甜甜咁，作为第一道菜，都算几开胃。

Octopus Carpaccio Slow-cooked

🐷Jamon Iberico 24 Months 西班牙黑毛猪火腿24个月 $88
Jamon Iberico同Paella真系并列为我最钟意嘅西班牙食物。想当年去到西班牙𠮶阵，第一次喺当地食Jamon Iberico，感觉真系非常惊艳，觉得好好食。系就系咸左啲，但𠮶种咸香，喺口入面久久不能散去，令人回味无穷。我记得𠮶阵离开西班牙，最唔舍得嘅就系呢样食物，因为喺香港食通常都会好贵，可能唔会再有咁多机会食到。今次喺呢度见到，价钱仲要咁平，都有成十块，真系好抵，食落仲要系西班牙嘅味道，令我好想下次再黎食。

Jamon Iberico 24 Months

🥔Tortilla De Patata 西班牙薯仔蛋饼 $78
呢道hot tapas都令人非常有惊喜，一切落去，啲馅料就流晒出黎，好靓。蛋饼充满蛋香，调味又啱啱好，更惊喜嘅系薯仔粒好甜，系天然嘅薯仔甜味，好好食。

🫑Padron Peppers西班牙小青椒 $68
由西班牙空运过嚟嘅青椒，同喺香港买到嘅青椒系有啲唔同嘅，呢个青椒比较短身，食落亦比较鲜甜，同香港嘅青椒比，呢只青椒一啲都唔辣，唔钟意食辣嘅朋友都可以试吓。呢一道菜将西班牙青椒炸起，再喺青椒表面洒盐。盐可以带出青椒嘅鲜味，钟意食青椒嘅朋友一定要试吓呢道菜啦。

🐖Iberico Pork Meatball in Roasted Sweet Pepper Sauce 西班牙黑毛猪肉丸伴烤甜椒酱肉丸 $78
黑毛猪肉丸外皮系炸出嚟嘅，入边猪肉丸嘅猪肉味好重，加埋烤甜椒酱，甜甜酸酸咁，同浓味嘅猪肉丸形成对比，值得一试。

Iberico Pork Meatball in Roasted Sweet Pepper Sauce

🥘Seafood Paella 西班牙海鲜锅饭（二人份）$188
呢盘Paella一上台，即刻传黎好香嘅虾味，令人食指大动。唔系好大碟，但饭上面满布海鲜，有四只蚬、四只大虾、四只青口同埋一堆鱿鱼圈。啲饭食落都好有海鲜味，好好食。最令我惊喜嘅系蚬，好大只，仲好鲜甜，又充满海水嘅味道，劲好食。青口咬落都好香。大虾有浓浓嘅虾味，同埋佢有剥走部份嘅壳，所以食𠮶阵都好方便，好容易整走啲壳。啲虾大大只，好食。

🍹The Classic $108
The Classic系由Tanqueray gin, schweppes tonic water再加青柠、柠檬同juniper berries而整成嘅cocktail，味道上同普通嘅gin tonic好似。特别嘅地方系佢嘅青柠味好重，饮落去有甘甜嘅感觉。食嘢嘅时候如果想清一清口入面嘅味道，呢一杯cocktail系唔错嘅选择。