旭川日本料理

营业中

休息中

香港人出名钟意食日本野，见到一间又一间日本料理过江龙黎香港开分店就知道！但有时唔想排队同食咁贵，其实都有大把本地制作既日本料理水准唔差，今日就同大家推介诚意小店旭川。环境：话明系小店，座位一定会迫d，但唔介意上楼上阁楼既位会宽阔少少，一样有电视睇。服务：呢度有个侍应姐姐好过瘾，以前觉得佢系人地食到三分一就俾定甜品人地想催人食快d唔系咁好，但习惯左就觉得佢讲野直肠直肚好搞笑，其实都系地道既感觉。卫生：卫生情况都还可以，就系既阁楼密不透风但都唔会积尘，系睇落残旧d。味道：寿司饭方面，介推粒粒鱼生饭，鱼生多到舖满晒d饭，每次食到暖底都仲有净鱼生，而且鱼生一d都唔乎，多款又新鲜，唔食鱼生可以试三文鱼酱油渍饭，唔系以为得三文鱼会好dry，三文鱼份量多同埋有玉子，一定满足！寿司方面推介火炙原粒带子寿司同鳗鱼寿司，绝对唔同连锁寿司店薄薄一块咁，食完成口油既肥呀，另外个火炙三文鱼腩寿司都几特别，上面一堆配料，食落口感又几夹㖞！抵食：老实讲午餐系抵食过晚餐，但就算系晚餐，但呢个价钱有呢个质素，完全系唔输俾d过江龙呀！