魚味市場居酒屋 (已結業)

居酒屋一向系我约朋友吹水嘅首选，今次同朋友试下呢间系西环嘅居酒屋饮胜同食晚饭。一入去，眼见铺面虽小、装修简单，但系几和风，一贯日本传统居酒屋风格，几有家庭feel同几warm。首先点左一个晚市套餐share—串烧拼盘，total有八款唔同嘅特色串烧同附送一瓶烧酒（可加热）/饮料，我拣左热烧酒。八款串烧都好好食，烧得啱啱好，外面又香又脆，但里面仍然好juicy。最欣赏系牛舌，好爽口，配上烧酒一流！本身中意食明太子嘅我都知佢同蛋系好朋友，见到明太子玉子烧就梗系要试下啦喂。呢个玉子烧同样都冇令我失望！蛋好嫩滑，咬嘅时候仲有啲蛋汁，加上咸鲜嘅明太子，真系停唔到口。清酒煮蚬都唔错，一啲沙都冇，蚬肉亦都唔老，调味好出色，清淡嘅酒香并冇抢左蚬嘅味道，反而令到呢道菜更鲜。之后黎到嘅吞拿鱼腩同三文鱼腩刺身未食都已经想俾赞。两款鱼腩色泽纹路分布均匀，肉厚肥嫩。一食，果然系入口即溶，齿颊留香。最后唔够饱仲追加左海胆炒饭，烧三文鱼头，烧鸡泡鱼干，全部都很有水准。总体黎讲，虽然呢间居酒屋嘅食物唔算平，但位于西环，食物质素又比得上唔少日本当地中上档嘅餐厅。正所谓一分钱一分货，呢个价钱食到咁高汁嘅嘢真系好唔错。