大喜屋 (已結業)

冇特别同家人夹过， 但竟然一齐约食放题日子就系万圣节正日， 入到餐厅已经见到四周嘅布置， 还未点嘢食店员已经主动送上万圣节特色甜品。绿色嘅手指系抹茶曲奇， 估唔到又几松脆， 另外一个好似血淋淋嘅脑袋系士多啤梨慕丝蛋糕杯， 卖相好吸引~ 果然冇拣错日子嚟食放题。见咁多食评推荐，就叫咗一碟冲绳盐烧牛肉。 果然有惊喜， 薄薄的牛肉片烧到大概五成熟， 肉质嫩滑又够juicy， 牛味几重，加上日本酱油作调味， 认真不错。特别推荐纽西兰羊架！通常主打日式料理嘅放题所提供嘅西菜质素都一般， 冇估到呢度嘅羊架系超水准之作，甚至好过唔少西餐厅， 羊架用香料腌制， 有rosemary 香味， 加上烹煮时间恰到好处， 肉质好鲜嫩！ 边位有啲脂肪痴住，仲有一阵羊膻味添。食放题点少得甜品。呢度有一样几特别， 就系富士苹果和菓子~ 软熟嘅外皮包住里面甜甜地清新嘅富士苹果酱， 而且一啖一粒唔会太滞， 咁就可以试多啲唔同款嘅甜品啦~呢间放题款式唔系最多，但每款做得到位，而且服务贴心，下次再帮衬。