香宮

营业中

休息中

相隔一段日子再到访位于九龙香格里拉酒店中菜厅内嘅香宫食物同服务质素依然保持水准 一坐低就送上杞子菊花茶同蜜糖合桃合桃系香宫自家调制深褐色嘅合桃外面黏满蜜糖脆口得嚟带点甜不知不觉就扫晒一碟厚颜无耻地问有无得refill点知侍应二话不说就奉上一碟新嘅真系细心又贴心 今次唔散叫反而试咗信用卡优惠嘅套餐套餐连甜品一共有六道菜 📍香宫精选三宝荟萃 – 分别有化皮乳猪件、极品蜜汁叉烧皇及蒜泥海螺片。乳猪连皮带肉，肉质嫩滑。而半肥瘦嘅叉烧肉，松软入味，充满肉香同蜜汁甜香，令人回味。 📍海底花胶羊肚菌炖鸡 – 鸡汤炖得好鲜甜而唔肥腻，而且好足料 📍韭黄油泡斑球 – 斑球好新鲜，肉质爽滑，但唔知系咪因为用油泡处理嘅关系，成碟𩠌感觉好油腻，食完后成嘴都系油 📍米汤鲜蟹肉浸菜苗 – 采用大量蟹肉烹煮，每一啖都充满蟹肉，米汤味淡衬托出蟹肉嘅鲜甜，而鲜嫩嘅菜苗亦吸收晒蟹肉同米汤嘅鲜香，味道非常配搭 📍原笼荷叶香蒜溶虾球蒸糯米饭 - 用荷叶包住糯米饭同虾嚟蒸 ，米饭吸晒虾肉同蒜溶嘅精华，入口甘香丰腴，加上荷叶嘅清香，完全唔会觉得腻滞 📍川贝陈皮蜜饯桃胶炖原个雪梨 – 单睇菜名已知道好滋补，果然炖汤好足料，用上原个