影片
更多
2021-06-20
372 浏览
我对观塘嘅印象就系有好多工厦cafe, 每次约朋友去呢头都系食西餐为主。今次朋友带我去嘅呢间铁板烧餐厅就刷新左我对呢区美食嘅印象😍餐厅行高级路线，座位都系围住师傅嘅bar枱，可以亲眼望住师傅料理每一道菜式。餐厅嘅通风系统做得非常好，虽然系食铁板烧，但身上完全唔会沾到油烟味，值得一赞👍今次同朋友就去试左个lunch set二人前套餐 我地就拣左美国牛肉薄烧set（$1080），成个Set包左✨前菜、沙律、时令刺身、银鳕鱼、南非鲍鱼、龙虾、烧肉、炒饭、煮野菜、汤同甜品✨非常丰富，真系胃口细少少都食唔晒；咁多野食都只系$540 / Per person, 性格比超高😍✨前菜 - 明太子食落口感弹牙有咬口，味道几得意❤️✨沙律 - 海哲糊麻沙律✨时令刺身刺身总共有5款，分别系赤贝 / 鲈鱼 / 金目鲷 深海池鱼 / 烟熏拖罗。每款有一片，味道黎讲唔算话特别出色，但作为前菜咁过下口瘾都唔错。✨银鳕鱼由呢度开始先真系进入戏肉❤️师傅首先将鱼皮同鱼肉分开，鱼皮放系另一边煎至香脆，而银鳕鱼则煎至金黄色。师傅将个熟度控制得非常好，银鳕鱼入口首先系浓郁嘅鱼油香，口感非常嫩滑，可以话系入口即溶，超级好味😍✨波士
餐厅行高级路线，座位都系围住师傅嘅bar枱，可以亲眼望住师傅料理每一道菜式。餐厅嘅通风系统做得非常好，虽然系食铁板烧，但身上完全唔会沾到油烟味，值得一赞👍
今次同朋友就去试左个lunch set二人前套餐 我地就拣左美国牛肉薄烧set（$1080），成个Set包左✨前菜、沙律、时令刺身、银鳕鱼、南非鲍鱼、龙虾、烧肉、炒饭、煮野菜、汤同甜品✨非常丰富，真系胃口细少少都食唔晒；咁多野食都只系$540 / Per person, 性格比超高😍
✨前菜 - 明太子
食落口感弹牙有咬口，味道几得意❤️
✨沙律 - 海哲糊麻沙律
✨时令刺身
刺身总共有5款，分别系赤贝 / 鲈鱼 / 金目鲷 深海池鱼 / 烟熏拖罗。每款有一片，味道黎讲唔算话特别出色，但作为前菜咁过下口瘾都唔错。
✨银鳕鱼
由呢度开始先真系进入戏肉❤️师傅首先将鱼皮同鱼肉分开，鱼皮放系另一边煎至香脆，而银鳕鱼则煎至金黄色。师傅将个熟度控制得非常好，银鳕鱼入口首先系浓郁嘅鱼油香，口感非常嫩滑，可以话系入口即溶，超级好味😍
✨波士顿龙虾
成餐饭我最爱嘅一道菜❤️师傅将龙虾肉拆出烧至刚刚熟，龙虾头入嘅嘅虾膏亦冇浪费到！金黄色嘅虾膏淋起鲜嫩嘅龙虾肉上，成个鲜味得到升华，真系谂起都流晒口水🤤
✨南非鲍鱼
睇住师傅由拆壳开始，慢慢几鲍鱼烧熟、上碟，就好似睇紧要场厨艺表演咁，都系一种享受🤣我本身唔系特别好鲍鱼，但呢度嘅鲍鱼烧得非常弹牙易咬，同时鲜味十足，比我以往食过嘅都好食😋
✨美国牛肉薄烧
对比上面各款海鲜，呢款美国牛肉薄烧就较为逊色，但其实味道已经唔错。师傅将薄片嘅安格斯牛烧至medium rare, 再将牛肉同香葱、脆蒜十等卷埋一齐，食落味道层次分明，牛味突出。
✨炒饭
望住师傅炒饭就睇得出佢咁多年黎嘅功力绝对唔系白练——炒饭呈黄色，蛋粹分布得非常平均，同平时茶餐厅食到嘅炒饭有好大对比；炒饭唔会太油太湿，食落相对干身，粒粒分明，锅气十足。
✨烟熏虾煮野菜
食完咁多大鱼大肉黎食番个煮野菜清一清味蕾😋
✨龙虾面豉汤
师傅将龙虾头放入面豉汤入面一齐煲，比起平时饮到咁嘅面豉汤多左一份鲜味。
✨甜品 - 焦糖烤多士
呢道甜品睇落简单易整，但又非常好味，旁边嘅客人仲话番到屋企要试下跟住整🤣师傅首先将面包烤至金黄色，再系铁板上加大量砂糖煮溶，再将面包沾满焦糖浆，一道非常吸引嘅焦糖烤多士就完成❤️食落口感外脆内软，焦糖香味非常突出😋
整体黎讲餐厅嘅每一道菜都做得非常出色，成个set嘅份量亦刚好，可以试晒咁多样野又唔会太饱。开放式嘅座位让客人可以睇到师傅嘅「厨艺表演」外，亦方便师傅同客人即时交流，令每道菜都更贴近客人心中嘅水准，整体黎讲成个用餐体验都非常愉快❤️👍
张贴
