影片
更多
2010-02-26
365 浏览
同以前一齐去旅行的朋友饭聚. 见食评咁好, 都抱有期望. 菜式由朋友发板:烧鹅--- 好耐冇食过0的肉唔靭的烧鹅, 而且好香鹅味, 唔驶点烧鹅汁或酸梅酱已够味, 比起0系深井名店吃的有过之而无不及, 美中不足系0的皮唔够脆. 茄汁焗大花竹虾 – 出色之作!! 一般酒楼整呢个菜都系只有虾壳有味, 虾肉就冇味, 更离谱的会系虾肉有腥味. 但呢度0既竹虾处理得好好, 虾壳尽黏满茄汁, 虾肉有茄汁味之余仍保留鲜味, 个人都食0左三只!!! 果皮蒸龙趸头腩 – 个人对蒸头腩从来都不大兴趣, 因为每次唔系因为劲重果味而冇晒鱼0既鲜味, 就系成碟都有鱼0既腥味. 但今次0系呢度吃, 竟然果皮味恰到好处, 鱼仍有鲜味, 一0的都唔腥, 而且鱼肉爽口好滑, 可见师傅调校火候非常熟练. 平时吃头腩都系一旧起两旧止, 今次吃0左只少5-6件 !!! 翡翠炒球 – 又系杰作!!! 自问吃亲呢0的炒班球都系唔吃鱼皮, 因为好腥好滑, 感觉好怪. 但呢次, 吃0左3-4块班球, 都系连皮吃!! 因为鱼肉鲜嫩不在话下, 连鱼皮都处理得好好, 好烟靭, 好有鱼香而唔系腥味!初时未睇张order list, 以为系石斑
菜式由朋友发板:
烧鹅--- 好耐冇食过0的肉唔靭的烧鹅, 而且好香鹅味, 唔驶点烧鹅汁或酸梅酱已够味, 比起0系深井名店吃的有过之而无不及, 美中不足系0的皮唔够脆.
茄汁焗大花竹虾 – 出色之作!! 一般酒楼整呢个菜都系只有虾壳有味, 虾肉就冇味, 更离谱的会系虾肉有腥味. 但呢度0既竹虾处理得好好, 虾壳尽黏满茄汁, 虾肉有茄汁味之余仍保留鲜味, 个人都食0左三只!!!
果皮蒸龙趸头腩 – 个人对蒸头腩从来都不大兴趣, 因为每次唔系因为劲重果味而冇晒鱼0既鲜味, 就系成碟都有鱼0既腥味. 但今次0系呢度吃, 竟然果皮味恰到好处, 鱼仍有鲜味, 一0的都唔腥, 而且鱼肉爽口好滑, 可见师傅调校火候非常熟练. 平时吃头腩都系一旧起两旧止, 今次吃0左只少5-6件 !!!
翡翠炒球 – 又系杰作!!! 自问吃亲呢0的炒班球都系唔吃鱼皮, 因为好腥好滑, 感觉好怪. 但呢次, 吃0左3-4块班球, 都系连皮吃!! 因为鱼肉鲜嫩不在话下, 连鱼皮都处理得好好, 好烟靭, 好有鱼香而唔系腥味!
初时未睇张order list, 以为系石斑一鱼两味, 后来先知原来系龙趸两味!!! 但自觉比起0系西贡吃过的龙趸两味的更出色!!!
云英鸡 – 话系招牌菜, 一向唔太吃鸡的我, 点都试一件. 因为懒, 所以只吃鸡胸肉. 评语系: 好耐冇吃过有鸡味0既鸡!!! 系类似白切鸡, 但连鸡胸肉都唔鞋口, 好滑, 好香, 吃入口已知一定唔系雪鸡! 吃鸡皮, 一0的都唔肥, 好脆口, 好似0系星加坡吃过的海南鸡咁!!! 最后, 连鸡背脊都吃埋!! 好耐冇吃过咁有鸡味0既鸡肉! Hahahaah~
有碟炒芥兰, 因为朋友系熟客, 所以送的!! 芥兰好嫰, 以为吃紧菜心!!!
二松炒扇贝 – 朋友话系失色的一道菜, 但我觉得都可以接受. 失败处系佢用新鲜扇贝0黎炒, 令扇贝缩晒水, 但其实佢炒得好爽口.
后加的砵酒焗蚝 – 一直抗拒吃蚝的我, 但见侍应打开锡纸包时, 真系明白到咩0野叫做香味四溢!!! 淡淡0既酒味, 衬托住蚝味, 我都献出我0既第一次!! 难得佢炸完再焗, 都仍保留都蚝的脆口, 但唔会干, 蚝本身依然饱满多汁, 好滑!! 我问吃蚝有点研究的老公, 呢0的系咪整得好, 佢话以炸蚝0黎计, 如果吉列专门店的炸蚝系5分, 呢度0既蚝至少有8.5分或以上!!!! WOW!! 不过, 美中不足系佢唔系一开壳就即刻炸即刻焗, 缺少0左0的鲜味, 我就话佢系鸡蛋里挑骨头啦!!! 呢度又唔系海边!!! 所以老公都话佢已经整得好好!!! 第一次就吃到呢0的极品, 咁我以后唔驶再吃蚝呢!!!
吃完晒咁出色的𩠌菜, 来甜品. 系西米红豆沙. 稀0左0的0的, 唔够杰, 但胜在唔甜, 红豆味仍, 而唔系一味得个甜字.
好满足的一餐, 真希望可以带家人来再吃几次!!!
张贴
