大蔵季節料理 (已結業)

一向系邓师傅的粉丝，已经由几年前开始由太古一直追到依家。今次又有开心事，所以去食餐好嘢！头盘！系师傅自家做的酱油鸭胸。唔好以为寿司师傅只系企响度切切切咁简单，其实师傅的热食先至够惊喜！食咗开胃头盘，系时候食刺身！每次都觉得，响度食嘢系一种享受，净系睇刺身新鲜程度同摆盘都觉得正到晕啦！食个热食间一间场先！师傅今日做咗天妇罗。最特别就系紫苏紫包海胆！跟住就到寿司喇！每次都忍唔住要食重手到跌嘅海胆！今次仲食咗牡丹虾，加埋虾膏食，鲜甜到呢！仲有就师傅特别做的「寿」寿司！实在太满足啦！埋单，过千一位，但睇返啲相，食物质素同三个半钟的表演时间加服务，唔可以同连锁店水准价钱比较，只可以讲，俾得好顺，而且好想可以快啲返来再食！在此都祝师傅生意兴隆，希望好嘢多啲人认识！