牧羊少年咖啡館 (香港文化博物館)

营业中

休息中

六月，知道系沙田开左分店，新开张有优惠，买食物送饮品，过左午饭时候就去试下。一去到，原来依间店同九龙的分店型式是不同，是自助型式，自己揾位，出cashier买野食，之后，侍应会拎野食去你张枱，想饮水，要酱料，就去自助区拎。仲有，另一样不同既系无set meal,好在新开张有优惠，如果唔系就贵左d.间店格局几好，落地大玻璃，好天时，阳光照入店，好舒服！依间店有慢递，可代寄明信片比日后的自己或朋友，感觉不错！饮食方面，叫左个all day breakfast 同苹果蜜桃鲜打。野饮好味，可惜个all day breakfast真系望住都无胃口，一上枱，我见佢个底有d油咁，浸住中间d蛋，唯有去拎个碟，将野食搬去另一个碟度食，夹开晒，发现果d系似水沟油咁，问个侍应，话系咁，可能蕃茄出水。。。如果之后无优惠，比成百蚊食加饮，但质素如此，间店几靓，大家去一次都唔会想再去。。。