春水堂人文茶館 (創紀之城五期(apm))

营业中

休息中

屋企人提议食呢间做晚餐，下昼四点嘅时候已经见到餐厅外面有人等紧， 所以未够六点钟，我哋又去排队喇 。大致上都要排六七张枱 ，等咗15分钟左右都入到去， 好彩。宇治抹茶冻饮窿窿嘅抹茶味道 ，稍带苦味，我自己偏好较重奶味嘅抹茶牛奶。珍珠奶茶少冰微糖我欣赏这个珍珠奶茶， 茶味同奶调配得 做得好平衡 ，做到茶香细滑嘅效果。 微糖的糖粉对于我嚟讲系啱啱好。珍珠系偏小的， 占咗全杯五份之二嘅份量， 而且弹牙有口感。金沙芋泥丸香脆嘅芋泥搓成球，中间包住咸蛋奶黄馅。芋泥嘅味唔算好强， 中间嘅馅就做得几香有咸蛋黄味 ，又唔会太甜， 食得过。慢煮猪手这个是超淋嘅猪手😋， 基本上已经煮到皮、肉、骨分离。 口感方面冇得弹 而且好入味 。这个猪手嘅香料味比较重，会食到好浓烈嘅花椒八角味， 如果唔喜好花椒八角嘅朋友就要留意不要叫。牛骨浓汤牛肉面清汤牛肉面， 有三大块牛肉， 分量系足够嘅 。汤底稍嫌唔够味， 应该红烧牛肉面会比较好食啲。