影片
更多
2024-10-20
851 浏览
咁啱去玉莲台做完嘢，谂住过宜安街熟食市场晚饭啦，行过见到有间装修唔错嘅龙记小厨，见环境唔错就行入去试下。位置够阔落，而且姐姐好殷勤，一坐低就介绍我哋招牌菜，今时今日咁嘅服务态度抵赞👍🏼拣咗个姐姐介绍嘅胡椒猪肚鸡煲、同黄金炒苦瓜四季豆，同埋女朋友至爱藤椒鱼皮👍🏼跟住就慢慢叹住茶等菜上。藤椒鱼皮系最先上嘅，香港好多舖头嘅呢个菜式有一个问题，就系会落得太多嘅麻同埋辣，令到香港人好难入口。呢间舖头就唔同啦配方比例适当除咗可以体会到菜式应有嘅麻辣味之外唔会令到我不停咁一条鱼皮一啖水，可以正正常常咁品尝呢个菜式，劲啱又钟意试奶，但系又唔系好食到辣嘅香港朋友🤭个猪肚鸡煲除咗大煲够味之外，仲一直用炉上保持住啱啱出炉嘅温度，食到最尾再饮啖汤仲系热辣辣嘅！猪肚唔会太韧，鸡肉又够嫩滑，一啖料一啖汤，简直超温暖！我谂迟啲冬天过嚟食仲正🫡最后嚟嘅黄金苦瓜四季豆，最重要嘅就系唔可以太油腻，啲油浸住啲四季豆又肥腻又难入口。呢间餐厅就做得唔错啦，起码每条四季豆夹起上嚟脆身又唔会食油食落去真真正正可以体验到四季豆同埋苦瓜嘅咸香味同埋清爽👍🏼作为成日宵夜都想考虑食大排档嘅我，呢间餐厅绝对值得经常再去！可以食到有温度嘅中菜
咁啱去玉莲台做完嘢，谂住过宜安街熟食市场晚饭啦，行过见到有间装修唔错嘅龙记小厨，见环境唔错就行入去试下。
位置够阔落，而且姐姐好殷勤，一坐低就介绍我哋招牌菜，今时今日咁嘅服务态度抵赞👍🏼
拣咗个姐姐介绍嘅胡椒猪肚鸡煲、同黄金炒苦瓜四季豆，同埋女朋友至爱藤椒鱼皮👍🏼跟住就慢慢叹住茶等菜上。
藤椒鱼皮系最先上嘅，香港好多舖头嘅呢个菜式有一个问题，就系会落得太多嘅麻同埋辣，令到香港人好难入口。呢间舖头就唔同啦配方比例适当除咗可以体会到菜式应有嘅麻辣味之外唔会令到我不停咁一条鱼皮一啖水，可以正正常常咁品尝呢个菜式，劲啱又钟意试奶，但系又唔系好食到辣嘅香港朋友🤭
个猪肚鸡煲除咗大煲够味之外，仲一直用炉上保持住啱啱出炉嘅温度，食到最尾再饮啖汤仲系热辣辣嘅！猪肚唔会太韧，鸡肉又够嫩滑，一啖料一啖汤，简直超温暖！我谂迟啲冬天过嚟食仲正🫡
最后嚟嘅黄金苦瓜四季豆，最重要嘅就系唔可以太油腻，啲油浸住啲四季豆又肥腻又难入口。呢间餐厅就做得唔错啦，起码每条四季豆夹起上嚟脆身又唔会食油食落去真真正正可以体验到四季豆同埋苦瓜嘅咸香味同埋清爽👍🏼
作为成日宵夜都想考虑食大排档嘅我，呢间餐厅绝对值得经常再去！可以食到有温度嘅中菜之余，亦都唔会太油腻或者太热气令到第二日爆晒疮生痱滋。有追求嘅朋友记得去试下😘
张贴
