Good Times Restaurant And Bar (已結業)

平时好少去粉岭，呢日去完壁画村，就决定搭小巴嚟联和墟呢度睇吓有咩好嘢食。见到呢间Good Times Restaurant and Bar有好多人食，就决定试吓啦。佢个铺位好阔落，楼底够高，两边都有个大萤幕，夜晚可以一边饮酒食小食，一边睇波，应该好正，晏昼嚟嘅话就有好多款lunch set拣。Lunch set可以免费拣餐汤或者沙律，我哋一人要咗一款。餐汤系蕃茄浓汤，以为会似罗宋汤，但原来系好creamy嘅浓汤，有好香番茄味，一啲都唔酸，好开胃。沙律嘅材料好丰富，除咗有沙律菜，仲有蟹籽、蟹柳同埋蕃茄仔，全部都好新鲜，同佢用嘅麻酱好夹。之后我哋就share两个主菜。香煎羊髀扒伴黑松露薯蓉及青瓜乳酪汁好少见lunch会有得食羊，所以见到就即刻决定要嗌呢样。羊脾扒都几大份，一上枱就闻到好香嘅羊味，食落好林好多汁。店员特登介绍咗佢个青瓜乳酪汁，因为佢个汁好清新，同𠮶羊嘅味真系好夹。个人都好中意佢嘅黑松露薯蓉，有好香黑松露味，但食落又唔会话太浓味，真系好正。竹炭蓝芝士烟肉安格斯牛汉堡配薯条汉堡包嘅size都几大，蓝芝士、烟肉同埋牛汉堡嘅配搭好好，牛汉堡好厚身，切开就见到佢好多汁劲juicy。重点