Good Times Restaurant And Bar (已結業)

薄荷馬卡龍，整件啪入夠鬆化，極甜再帶強烈薄荷味，永不腐朽的配搭。黑朱古力蛋糕，不喜歡食的我，黑朱古力最啱我﹗甘苦朱古力我鍾意，蛋糕平平無奇無特別。炸芝士條，放涼已凝固，外脆內硬硬芝士。吉列墨魚餅，厚厚粗麵包糠，脆而刮口，食得到粒粒墨魚肉，彈彈口感有著輕微鮮味。墨西哥粟米片，是但送酒便好，咸咸脆脆無特別。Pilsner Urquell draught，朋友餐廳梗係要奉下場﹗第一次的捷克生啤，非常清淺有點泉水的味道。Guinness draught，純厚黏滑真生啤，夠氣夠凍又夠綿，唔係搵笨罐裝啤酒。Whiskey Soda，走住飲，越飲越想飲，加冰透心涼又易入口。Mumm Champagne，巨形香檳清爽薄薄不苦澀。Kirin draught，沒有朝日就飲住麒麟先，清爽而酒精高。洋蔥湯，清爽味道，洋蔥甜美帶著舒服牛清湯，再熱一點就再開心一點。牛油蒜香雞中翼，基本中的基本，牛油味突出而蒜味薄弱，酥脆的質地，乾涸的內裡。鴨胸醬寬帶麵，茄汁底夾雜大量鴨胸肉絲，意粉味道平淡清新，幸好捲上濃郁茄味鴨胸醬醒神許多。炸薯條微暖不熱騰騰，感覺不到新鮮出爐，過過口癮算了。費城牛肉芝士漢堡，紫洋蔥獨特辛甜味強

—睇餐廳fb個lunch menu定期會轉換而呢餐係早幾個月去食 所以餐牌只供參考明太子海鮮墨西哥卷配薯條及蕃茄莎莎 ($68)幾鍾意食Burrito之類嘅嘢 Grab and go 簡單足料好食個皮焗到微脆 質感好好唔會太乾芝士明太子醬跟材料融合一齊加埋即炸薯條伴碟 勁飽經典英式炸魚薯條($88)食落唔油膩 魚肉軟腍富肉汁唔怪得枱枱都有嗌Dailv Dessert(+$15)笑死埋完單(有入到機計咗錢) 走咗5-10分鐘到先記得 我哋係有加甜品!! 走得唔遠折返翻去食——————————————————Good Times Restaurant And Bar 粉嶺聯和墟和豐街28號囍逸地下G06-G07A號舖

超值4人自選主菜套餐！性價比超高! 4人set 可選两個主菜3件羊架&10oz 肉眼扒, 再配fish &chips, 大炸肶,salad, quality 合格仲包4杯drink. 加$148 有1枝紅酒. Satisfied 😁!

睇完戲後行落去聯和墟睇吓有咩食，行行吓發現一間環境唔錯嘅西餐廳，所以就入去坐低試吓，餐廳有兩邊，一邊係酒吧，另一邊係餐廳。當時大約晚上八點幾左右，客人不多，因為只想飲下啤酒吹下水睇吓波，所以無點晚餐，只點了小食薄餅同炸魚薯條，薄餅個皮薄，而炸魚亦炸得皮脆再配埋手工啤酒係唔錯嘅。原本想再點其他小食同點多杯啤酒，不過原來餐廳呢邊同廚房收九點半，所以食得有啲趕急，其實如果職員能夠提醒餐廳呢邊營業時間會更好。

個日係朋友生日，有啲事所以要係番佢住個區食生日飯。一search OpenRice，就見到Good Times，餐廳裝修好好（個下仲諗緊有無search錯地區😂），所以即刻就Book 左枱。生日當晚去到餐廳好開心，因為見到餐廳室內氣氛比睇到既仲要好，同埋staff既態度都好friendly。佢地見到我買左蛋糕，好快都問我洗唔洗雪入雪櫃。之後同朋友都叫左同一個扒餐，味道同質感都好好，比起自己係市區食過既同價餐廳都要好食。食完dinner，叫餐廳起蛋糕。送到上枱個陣，突然發覺蛋糕隔離多左條特別既生日蠟燭。我同朋友都好surprise，食完飯，我都特登去多謝佢地同埋傾左陣計。平時我都唔會寫評論，但真係多謝staff既幫忙，令我同朋友都食得開心。（原本諗住年三十晚出好，唔洗拖到過新年。結果呢😂😂希望睇到既朋友同餐廳staff都新年快樂）另外，影左既相全部都有我同我朋友，所以就唔po相了。

豬手是必叫的，夠大份味道調得好，好脆，仲有德國酸菜！仲有松露薯條，好食到停唔到手。環球寬敞，同朋友約會，可以好chill係度傾計☺️兩個dinner set有餐湯、salad、main dish同餐飲，好夠食，三個人食都得，加多少少$就有埋我最鍾意食嘅crème brûlée ❤️質感唔會太稀，啱啱好。間唔中就想去一次，好放鬆的地方，waiters幾friendly，都好attentive。就算唔係食晚飯，又有飲嘢果邊坐，睇吓波⚽️

The restaurant promotes 'Good Times for Good People'. We went there before dinner. There are different discount on different weekdays. Monday got best offer.Surprisingly, there is quite a lot of choices of beer. I chose Löwenbräu which is a beer from Germnay and rarely available in Hong Kong.All in all, it is a good place for a break after work.

今日係openrice 見到依間餐廳係粉嶺好評都幾多，想試下，去食在個lunch ,叫左個肉眼扒餐，七成熟，$128。個肉眼扒似烚熟多過煎。一行三人本身好肚餓，但完全無人想食舊烚熟嘅牛扒，肉un無味不再講，隔離d飯仲要係凍。環境係ok,但服務態度係茶餐廳個種。完全無諗過一間西餐有咁多好評，但連普通肉眼扒，可以整到三個好肚餓嘅人，一點胃口都無，簡直有少少想反胃。希望餐廳認真檢討下，不是lunch 就hea做。

試左晚市服務態度還好(3/5) 環境幾好(4/5)但係食物有啲麻麻地(2/5)湯係幾好既 蘑菇味幾濃沙律開始普通扒... 出事啦侍應一開始有主動問客人幾成熟叫左五成熟同七成熟上到來... 結果無跟客要求...真係feel到熟得滯 食落口感有啲柴 相片可以見到無麼血色食落覺得有九成至十成熟味道都係有啲普通 齋鹹味 牛肉味反而唔係好食到...個人覺得呢個價位(埋單接近700) 仲要係粉嶺食物質素有待改善~ 如果唔係性價比覺得有少少低 :'(

#chuchu食在粉嶺📍 Good Times Restaurant And Bar 餐廳一入去酒吧feel，有啲外國工業風，有好大個酒櫃！之後飲啲就係dinning area，卡位都有，仲有好大個screen射係牆，睇波係幾左！樓底高坐得好舒服嘅！—————————————————————❣️ Set Dinner 🍲餐湯- 蘑菇忌廉湯個湯冇乜特別，唔係特別impressive，不過黑糖麵包有驚喜！好食過outback！！！🥗沙律 冇乜特別都係一碟菜！🥩香煎紐西蘭（頂級）草飼牛肉眼扒 $268牛扒嗌左5成熟，賣相唔錯，切開好粉嫩，咬落唔會好韌，表面好香炭香味同埋好有牛味的！配菜都好多，粟米好甜！凍朱古力 +$20賣相💯，但冇朱古力味，係一杯鮮奶加小小朱古力醬.❣️ 安格斯竹炭漢堡配黑松露醬 $158黑色麵包好型，都好鬆軟，不過可以烘熱啲會開心啲！塊扒好食好香牛味，好juicy同黑松露醬都好夾！啲薯條好好食，條條都脆卜卜！—————————————————————不專業評分👅好味指數: 7/10💰性價比:6/10👍🏻推薦:7/10 —————————————————————🏡地址: G

今天是香港高爾夫球會開放日。參觀完畢 坐小巴到粉嶺搵食，睇食評嘅相幾吸引，跟嗌 all day breakfast. D 餐係啤酒🍻魚柳，食物夠熱又好味😋多士脆、薯餅唔多油；沙律菜加咗醋👍整體好滿意，有機會再幫襯。❤️題外話：度門只開 1/4 肥佬要側身入😂

食物可以，員工服務態度好。但是冷氣唔凍，好似冇冷氣咁勁焗，叫咗杯啤酒飲，飲到一半感覺仲熱，一路食一路流汗，熱到完全食唔落攪到冇胃口，夏天真係唔可以去呢到食！死到傻🥵🥵🥵

🍞🥬 粉嶺的 All Day Breakfast 下午茶 🥑 🍅位於粉嶺囍逸嘅 Good Times，提供All Day Breakfast 下午茶 ，當中有一款係適合 Vegetarian 嘅選擇。Good Times 空間寬敞，坐得舒服，而且基本上次次都會立即安排到座位。下午茶嘅 All Day Breakfast 非常豐富，不但滿足到我可以樣樣食啲嘅喜好，而且有齊各種營養素。呢個素食 All Day Breakfast 水準之作 😍烤大啡菇多汁好香菇味炒蛋炒得好好，夠唒香滑牛油果好靚，沙律菜好新鮮多士薯餅好香脆值得推介 ❤️

嗌咗個威靈頓牛扒同酥皮離晒罩，啲牛扒重要韌到痴線，啲酥皮重要唔脆。係個環境呃得下人，啲服務又差，又冇人帶位，啲侍應見到揮手都扮見唔到啊，十問九唔應，真係無下次。

今日難得入到嚟粉嶺嘅聯和墟，梗係要試吓呢個好多朋友推介嘅西餐廳！今次嗌咗一個主菜， +1個前菜，同埋啤酒！前菜我哋叫咗一個牛油果蟹肉沙律，沙律嘅賣相好靚，打卡一流！佢嘅牛油果，蕃茄同蟹肉好夾，酸甜味同蟹肉互補，唔會覺得膩！而主菜我哋嗌咗一個香煎澳洲肉眼扒，揀咗薯條，肉眼扒我哋揀咗medium，完全知好有經驗，真係煮得啱啱好！推介！