幕多

营业中

休息中

无端端系社交媒体网站碌到呢间铺，个样好吸引，晏昼走去试试佢。入到去位唔多，但好彩唔洗等。呢度主要系得三款面：酱油虾浓汤面，蚝面，酱油鲍鱼面今次拣左虾拉面，大约五分钟左右就上枱啦碗面送上枱之后再落虾油，一见个样就好吸引，先饮一啖汤，好浓郁好鲜甜，加上蒜蓉同樱花虾的香味，口感似忌廉薯仔汤咁浓稠，拉面质感唔太硬，个人觉得几好，如果要求拉面好弹牙嘅人就可能唔满意。两只大虾都好鲜味好爽口。整体黎讲非常高质，不容错过。铺面简单又醒目。下次试埋其他。