港原味 (已搬遷) 新店位置

今日去完朋友屋企探B就一齐去左佢附近个商场揾食，见到呢间餐厅好似唔错于是一齐入去食个LUNCH~芝士农夫包上openrice见好多人点，d相劲吸引所以叫左黎试下!一黎到果然卖相100分!又大个又足料!仲有沙律菜伴碟，中和下邪恶既感觉~农夫包可以选鸡肉/牛肉或者猪扒~个人喜好觉得咖哩鸡永远冇得输，所以今次点左鸡~农夫包黎到热辣辣，好明显新鲜焗起，好香咖哩味!吉落去D鸡肉度时仲可以有芝士拉丝效果~超正!再要赞既系个农夫包，之前试过某店D包系劲硬又韧，呢度既包系脆口，点左咖哩汁都唔韧又易咬~好加分!杨州炒饭朋友叫既杨州炒饭，估唔到咁大碟!炒饭粒粒分明，金黄色好吸引!虾同叉烧等既配料都唔少，食落干身有镬气!唔错!果酱花生酱三文治通常食亲都系奶酱，自从有一次食过果酱花生酱三文治就爱上!呢度用左厚身白面包，果酱同花生酱既比例恰到好处，甜甜的我地当甜品咁食!菠萝宾治餐茶可加钱转特饮，朋友叫左菠萝宾治，佢本人嗜甜觉得好好饮，我就叫左冻柠茶，比起待饮大杯D，好解渴!