意粉屋 (荃灣廣場)

营业中

休息中

好多年无食过意粉屋，今次想试下芝士火锅，座位环境都好舒服。夜晚7点05分入座，7点20分落单，芝士火锅7点50几分上，可能有d饿，感觉等有d耐，哈哈。第一啖觉得好香浓芝士，觉得无乜咸蛋黄味，又试2啖，侍应黎左原来上错左，俾左经典芝士，好好人即刻换左咸蛋黄芝士，咁就试左2种口味！见到牛肉配菜上左，仲谂紧2个人会唔会唔够饱，因为睇落有d少，点知最后腬到想呕，饱上心口，成餐饭我觉得好咸，火腿已好咸，咸蛋芝士又咸(有d后悔换走经典芝士，哈哈)，如果平时食得清淡既人，应该会唔太钟意，但经典芝士我觉得系正既！系等餐个阵，见到隔离枱叫既肉酱意粉，烧鸡全部睇落好吸引，下次都会想试下。。饮品叫左热Oreo朱古力，但饮落一d都唔热，暖都无，常温咁，但个味系好饮。。牛油果青瓜冰沙好正，唔甜好清新口感！觉得可以再光衬，试其他野，自己平时食得淡，所以叫错食物应该。哈哈！另外，侍应服务态度都好好