豚道樂 (百合苑商場) (已結業)

因为见到有人post 过有一块好阔既面，好想去试，原来唔系每款拉面都有，要期间限定既泡系肉食兽拉面！叫咗一碗泡系肉食兽拉面，一碗黑蒜猪骨！先讲泡系肉食兽，先试汤底，超浓超甜既猪骨味，set 好系直面，除左左右两款叉烧，中间炒个堆猪肉好食！叉烧甜甜地，我钟意！直面系似一兰个一款面！令一碗系黑蒜油，只蛋冇乜特别，左右两款叉烧同食肉兽既一样，紫菜冇乜特别，真系有少少多余！汤底又系超级霹雳无敌劲浓！但黑蒜油唔够蒜香，叫左曲面，真心觉得有啲怪，自己唔系特别钟意，佢系似生面个一种！其实两个面都好食，但系对于我来讲呢就太浓，有少少油腻，d 汤浓到好似汁咁！建议俾少少醋，或者柠檬汁，就会中和返少少，男仔去食应该冇问题，我朋友就觉得好正！佢觉得叉烧同汤底都OK!所以口味嘅嘢，有啲个人！最后讲返服务，撞到个女似老板嘅人，超级细心咁同我介绍啲拉面，入到去员工都好友善！最后佢哋倒垃圾，比我偷睇到，啲垃圾里面有好多猪骨，系劲多猪骨，即刻觉得真材实料，即刻觉得好浓😂😂😂😂😂