蕃茄仔

营业中

休息中

新一年第一日假，梗系要出外走走，今日去左新浦岗睇戏。买好飞就行左去对面Mikiki 揾食，最终比呢间主打蕃茄浓汤既🍅蕃茄仔吸引左。新年食丰富啲，叫两个最劲既。🔥🔥呢度碗碗汤底都系橙红色，真材实料，用左新鲜蕃茄、猪骨、洋葱等等熬出浓汤。可以挂上我地叫既葛丝同刀削面，特别系葛丝，索哂啲汤汁。特级牛魔王，有加势油香丰富既牛骨髓、juicy 既和牛丸、 蛋白质丰富既和牛展、软腍肉香既牛肩胛。大满足豚三宝，有胶质丰富的猪手肉、软腍的猪扒及豚肉片。加多个嫩滑鸡胸，猪牛鸡我地都试哂，鸡胸都好出色，煎到金黄色，脆口嫩滑。仲有滑滑蛋香温泉蛋呢度饮品选择多又特色，香甜桂花冷泡乌龙茶，清漉x老字号银都冰室。经典茶走，茶香奶滑。😋蕃茄控绝对唔好错过。