雪媽糍 (已結業)

中环街市有好多小店，早几日行过见到有间卖忌廉糯米糍既好似几吸引，好大粒又好多味道拣，所以就买左6款口味同屋企人一齐黎试！果然好好食呀，个皮好薄又烟韧，D料又好食，食到原材料既味道，唔会好花巧，可以买黎做散水饼呀！记得喺冰箱取出放室温解冻约5-10分钟，口感更滑更口味！🟣蝶豆花海盐芝士蛋糕外型蓝色已经觉得好靓好特别，一食落去入面有大大粒芝士蛋糕！芝士味好出，再加上海盐更加好食，个人最钟意食呢款。🟠百香果芒芒芒果味既糯米糍食得多，估唔到呢个咁有惊喜，芒果味甜，并唔系化学沟出黎既味道，佢仲加埋百香果，两者超夹，屋企人大赞！🟡焙茶朱古力粒粒作为焙茶爱好者既我，非常满意呢个口味，焙茶味好香浓但唔会苦，加埋朱古力粒粒更有口感。🟢小山园抹茶Oreo呢款抹茶味一样出色，一食就知道用左比较高级既抹茶粉，另外Mix埋Oreo令到味道更丰富！🟣士多啤梨红桑子呢款口味屋企人亦都大赞，原本以为只系普通士多啤梨味，但原来加左红桑子系咁Match，提升左另一个层次！🔵Oreo缤纷乐🍪就咁试Oreo会觉得系普通既曲奇味，但入面加左缤纷乐，好少食到呢个组合，两者加埋又唔会好甜。