影片
更多
2023-05-20
1184 浏览
朋友约食饭，话有个大满贯餐，好夸张，坐喺位，肥牛、刺身、龙虾任食，好过自助餐。咁我就唔使谂，比佢拍板。指定动作攞嘢饮先，好多罐装同自家制饮品，睇睇吓，哗，樽装可乐同忌廉，马上加分。有几款小食，香甜松脆嘅酥炸合桃系餐厅自己制作，另外仲有凤爪、泡菜等等，味道都唔错。海鲜拼盘有刺身、鲍鱼、螺肉等，鲍鱼煮得爽口又够腍，调味甜甜地，好正。然后来了招牌麻辣鸡煲，连炉上，镬气十足，香气扑鼻，又香滑又惹味。跟住火锅要咗南瓜公仔蚬汤，出埸时嚟咗只Minion! 大家好惊喜举手疯狂影相。原来公仔系用南瓜同甘笋蓉煮成浓汤。我第一次用南瓜汤打边炉，原来几好味，加咗几次汤，个汤底依然好浓郁，果然真材实料！火锅配料方面，有原只波士顿龙虾、蚝、大虾、青口等。餐厅有鱼缸，龙虾超新鲜，又甜又爽，食得好痛快！碟牛肉都唔弱，有A4岩手县黑毛牛肩胛、A4日本黑毛和牛后腰肉、本地手切牛颈脊，每种都食得出独特的味道同质感，全部都牛香满满，一件不留！最后加少许不同的丸，都keep到水准。老板趁空跟我们倾了几句，提到可以每位加$20包厢，英超的话更营业至凌晨2点。呢餐盛宴有点贵，但打从心底十分满足。
指定动作攞嘢饮先，好多罐装同自家制饮品，睇睇吓，哗，樽装可乐同忌廉，马上加分。
有几款小食，香甜松脆嘅酥炸合桃系餐厅自己制作，另外仲有凤爪、泡菜等等，味道都唔错。
海鲜拼盘有刺身、鲍鱼、螺肉等，鲍鱼煮得爽口又够腍，调味甜甜地，好正。然后来了招牌麻辣鸡煲，连炉上，镬气十足，香气扑鼻，又香滑又惹味。
跟住火锅要咗南瓜公仔蚬汤，出埸时嚟咗只Minion! 大家好惊喜举手疯狂影相。原来公仔系用南瓜同甘笋蓉煮成浓汤。我第一次用南瓜汤打边炉，原来几好味，加咗几次汤，个汤底依然好浓郁，果然真材实料！
火锅配料方面，有原只波士顿龙虾、蚝、大虾、青口等。餐厅有鱼缸，龙虾超新鲜，又甜又爽，食得好痛快！碟牛肉都唔弱，有A4岩手县黑毛牛肩胛、A4日本黑毛和牛后腰肉、本地手切牛颈脊，每种都食得出独特的味道同质感，全部都牛香满满，一件不留！
最后加少许不同的丸，都keep到水准。老板趁空跟我们倾了几句，提到可以每位加$20包厢，英超的话更营业至凌晨2点。
呢餐盛宴有点贵，但打从心底十分满足。
张贴
